ఆదిపురుష్: ఈసారి హనుమంతుడి పోస్టర్ తో వచ్చారు
ప్రభాస్ హీరోగా తెరకెక్కుతోన్న ఆదిపురుష్ చిత్రం నుండి హనుమంతుడి పోస్టర్ రిలీజైంది. హనుమాన్ జయంతి సందర్భంగా ధ్యానంలో ఉన్న హనుమంతుడి పోస్టర్ ను రిలీజ్ చేసారు. ఈ పోస్టర్ లో హనుమంతుడి వెనకాల రాముడిగా ప్రభాస్ కనిపించారు. అంటే, ధ్యానంలో హనుమంతుడు కూర్చుంటే ఆయన మనసులో రాముడు ఉన్నాడన్నట్టుగా చూపించారు. తెలుగు, హిందీ, తమిళం, కన్నడ, మళయాలం భాషల్లో పోస్టర్ ని రిలీజ్ చేసారు. ఆల్రెడీ చిత్రీకరణ పూర్తి చేసుకున్న ఆదిపురుష్ చిత్రం గ్రాఫిక్స్ పనులు జరుపుకుంటోంది. టీ సిరీస్ బ్యానర్ లో రూపొందుతున్న ఈ చిత్రంలో సీత పాత్రలో క్రితిసనన్ కనిపిస్తోంది. జూన్ 16వ తేదీన ప్రపంచ వ్యాప్తంగా విడుదలకు సిద్ధం అవుతోంది.
వీడియో కోసం వేచిచూస్తున్న ప్రభాస్ అభిమానులు
ఆదిపురుష్ టీజర్ తర్వాత ఇప్పటివరకు ఈ చిత్రం నుండి రెండు అప్డేట్లు మాత్రమే వచ్చాయి. మొన్న శ్రీరామ నవమి కానుకగా ఒక పోస్టర్, ఇప్పుడు హనుమాన్ జయంతి కానుకగా మరో పోస్టర్ రిలీజైంది. ఆదిపురుష్ టీజర్ పై అనేక ట్రోల్స్ రావడంతో గ్రాఫిక్స్ పనులు మళ్ళీ మళ్ళీ జరిగాయని అన్నారు. ఆల్రెడీ పూర్తయిన పనికి రిపేర్లు జరిగాయని వినిపించింది. రిపేర్లు పూర్తయ్యాక ఔట్ పుట్ ఎలా వచ్చిందనేది అందరికీ ఆసక్తిగా ఉంది. ఈ విషయంలో మరో టీజర్ గానీ, ట్రైలర్ గానీ రిలీజ్ అయితే క్లారిటీ వస్తుంది. ఆదిపురుష్ చిత్రబృందం, మరో టీజర్ ని రిలీజ్ చేస్తుందా? లేదా, డైరెక్టుగా ట్రైలర్ ని రిలీజ్ చేస్తుందా అనేది చూడాలి.
