Kannappa: మంచు విష్ణు కెరీర్‌లో రికార్డు ప్రారంభం.. 'కన్నప్ప' మొదటి రోజు కలెక్షన్లు ఎంతంటే?
ఈ వార్తాకథనం ఏంటి
మంచు విష్ణు ఎంతో ప్రతిష్టాత్మకంగా తెరకెక్కించిన పౌరాణిక చిత్రం 'కన్నప్ప' జూన్ 27, 2025న ప్రపంచవ్యాప్తంగా ఘనంగా విడుదలై, బాక్సాఫీస్‌ వద్ద శుభారంభం చేసింది. ప్రాథమిక అంచనాల ప్రకారం, ఈ చిత్రం మొదటి రోజే రూ.9 కోట్లకు పైగా గ్రాస్ వసూలు చేసి, విష్ణు కెరీర్‌లో ఇప్పటివరకు అత్యధిక ఓపెనింగ్ సాధించిన సినిమాగా నిలిచింది. ఈ కలెక్షన్లతో ట్రేడ్ వర్గాలు ఆశ్చర్యానికి గురయ్యాయి. తెలుగు రాష్ట్రాల్లో 'కన్నప్ప'కు అద్భుతమైన రెస్పాన్స్ వచ్చింది. విడుదల రోజు తెలుగు వెర్షన్‌ 55.89శాతం ఆక్యుపెన్సీ నమోదు చేయగా, రాత్రి షోలలో 69.87% వరకు ఆక్యుపెన్సీ నమోదై థియేటర్ల వద్ద హౌస్‌ఫుల్‌ బోర్డులు వెలిసాయి.
Details
భారీ కలెక్షన్లు నమోదు
హైదరాబాద్‌, విజయవాడ, విశాఖపట్నం వంటి ప్రధాన నగరాల్లో భారీ కలెక్షన్లు నమోదయ్యాయి. ఈ సినిమాపై అంచనాలు పెరగడానికి కారణంగా ప్రభాస్‌, అక్షయ్‌ కుమార్‌, మోహన్‌లాల్‌ లాంటి పాన్ ఇండియా స్టార్‌లు చేసిన గెస్టు రోల్స్ కీలకంగా నిలిచాయి. విడుదలైన తర్వాత సమీక్షలు మిశ్రమంగా ఉన్నప్పటికీ, గ్రాండ్ విజువల్స్‌, భారీ బడ్జెట్ నిర్మాణ విలువలు, నటీనటుల అభినయ పరాకాష్ట సినిమా విజయానికి తోడ్పడ్డాయి. ఇవి అన్నీ కలిసొచ్చిన ఫలితంగా, 'కన్నప్ప' మంచు విష్ణు కెరీర్‌లో ఒక ముఖ్యమైన మైలురాయిగా నిలిచే అవకాశం కనిపిస్తోంది.