గుంటూరు కారం నుండి సర్ప్రైజ్: ఆ సందేహాలను తీర్చేసిన టీమ్
ఈ వార్తాకథనం ఏంటి
సూపర్ స్టార్ మహేష్ బాబు ఈరోజు 48వ పుట్టినరోజును జరుపుకుంటున్నాడు. ఈ సందర్భంగా గుంటూరు కారం సినిమా నుండి ఖతర్నాక్ అప్డేట్ వచ్చింది.
త్రివిక్రమ్ దర్శకత్వం వహిస్తున్న ఈ సినిమాపై అభిమానుల్లో ఎన్నోరకాల సందేహాలు కలిగాయి. షూటింగ్ ఆలస్యం అవడం, హీరోయిన్లు, మ్యూజిక్ డైరెక్టర్లు తప్పుకున్నారంటూ వార్తలు రావడంతో సినిమా ఆగిపోతుందేమోనన్న అనుమానం కలిగింది.
తాజాగా అలాంటి అనుమానాలకు చెక్ పెడుతూ పోస్టర్ ని రిలీజ్ చేసారు. ఈ పోస్టర్ లో లుంగీ కట్టుకుని, బీడీ వెలిగిస్తూ పూర్తి మాస్ లుక్ లో మహేష్ బాబు కనిపించారు.
ఈ పోస్టర్ చూసిన మహేష్ అభిమానులు ఖుషీ అవుతున్నారు.
Details
రిలీజ్ పై పోస్టర్ లో క్లారిటీ
గుంటూరు కారం సినిమా మొదలైనపుడు మహేష్ బాబు ఊర మాస్ అవతారంలో కనిపించనున్నారని అన్నారు.
గతంలో విడుదలైన చిన్నపాటి గ్లింప్స్ లో అది కొంచెం కనిపించినప్పటికీ ఇప్పుడు రిలీజ్ చేసిన పోస్టర్ లో పూర్తి మాస్ లుక్ కనిపించింది.
చూస్తుంటే గుంటూరు కారం నిజంగానే పేరుకు తగ్గట్టు యమకారంగా ఉండేలా ఉంది.
మరో విషయం ఏంటంటే, ఇంతకుముందు ప్రకటించినట్లుగానే వచ్చే సంవత్సరం సంక్రాంతి సందర్భంగా జనవరి 12వ తేదీన రిలీజ్ చేస్తున్నట్లు మరోసారి ప్రకటించారు.
హారికా అండ్ హాసినీ క్రియేషన్స్ బ్యానర్ లో రూపొందుతున్న ఈ సినిమాలో శ్రీలీల, మీనాక్షి చౌదరి హీరోయిన్లుగా నటిస్తున్నారు. థమన్ సంగీతం అందిస్తున్నారు.