ఖుషి సినిమా నుండి వీడియో లీక్: సాంప్రదాయ దుస్తుల్లో విజయ్, సమంత
విజయ్ దేవరకొండ, సమంత హీరో హీరోయిన్లుగా ఖుషి సినిమా తెరకెక్కుతున్న సంగతి తెలిసిందే. శివ నిర్వాణ దర్శకత్వంలో రూపొందుతున్న ఈ సినిమా షూటింగ్, శరవేగంగా జరుగుతోంది. తాజాగా ఈ సినిమా షూటింగ్ నుండి ఒక వీడియో లీకైంది. గుడిలో సమంత, విజయ్ దేవరకొండలు సాంప్రదాయ దుస్తుల్లో కనిపించిన వీడియో, ప్రస్తుతం ఇంటర్నెట్ లో వైరల్ గా మారింది. అయితే చాలామంది ఖుషి సినిమా షూటింగ్ పార్ట్ అయిపోయిందని అంటున్నారు. ఈ విషయమై చిత్ర నిర్మాణ సంస్థ మైత్రీ మూవీ మేకర్స్ మాత్రం ఎలాంటి అప్డేట్ ఇవ్వలేదు. అదలా ఉంచితే, మరికొన్ని రోజుల్లో ఈ సినిమా నుండి రెండవ పాటను రిలీజ్ చేయబోతున్నారు. మొదటి పాట మంచి హిట్టయిన సంగతి తెలిసిందే.