సినిమాల నుండి బ్రేక్ తీసుకోనున్న సమంత: కారణం ఏంటంటే?
ఈ వార్తాకథనం ఏంటి
స్టార్ హీరోయిన్ సమంత షాకింగ్ డెసిషన్ తీసుకోనుంది. సినిమాల నుంది బ్రేక్ తీసుకోవాలని అనుకుంటుందని సమాచారం. అది కూడా సంవత్సరం వరకూ అని తెలుస్తోంది.
సినిమా షూటింగులకు పూర్తిగా సెలవు చెప్పేసి సంవత్సరం వరకు తన ఆరోగ్యం మీద దృష్టి పెట్టాలని డిసైడ్ అయ్యిందట. సంవత్సరం వరకు ఎలాంటి కొత్త సినిమాలను ఒప్పుకోవద్దని నిర్ణయించుకుందని వినిపిస్తోంది.
ప్రస్తుతం సమంత చేతిలో విజయ్ దేవరకొండ హీరోగా నటిస్తున్న ఖుషి సినిమా ఉంది. అలాగే, అమెజాన్ ప్రైమ్ వీడియో కోసం చేస్తున్న సిటడెల్ ఉంది.
ఈ రెండూ ప్రాజెక్టుల షూటింగులు పూర్తి చేసి, సంవత్సరం పాటు విరామం తీసుకోనుందట. అందుకే తాను తీసుకున్న అడ్వాన్సులను సైతం వెనక్కి ఇచ్చేస్తుందని టాక్.
Details
చివరి దశలో ఉన్న షూటింగులు
విజయ్ దేవరకొండ హీరోగా నటిస్తున్న ఖుషి సినిమా షూటింగ్ చివరి దశలో ఉంది. శివ నిర్వాణ దర్శకత్వం వహిస్తున్న ఈ సినిమాపై అభిమానుల్లో మంచి అంచనాలు ఉన్నాయి.
ఈ సినిమా నుండి రిలీజైన నా రోజా నువ్వే అనే పాటకు ప్రేక్షకుల నుండి మంచి రెస్పాన్స్ వచ్చింది. అటు సమంతకు, ఇటు విజయ్ దేవరకొండకు మంచి హిట్ తీసుకొచ్చే సినిమా అవుతుందని అభిమానులు నమ్ముతున్నారు.
ఇక సిటడెల్ సిరీస్ విషయానికి వస్తే, హాలీవుడ్ లో రుస్సో బ్రదర్స్ తెరకెక్కించిన సిటడెల్ ఇంగ్లీష్ వెర్షన్ కు ఇండియన్ వెర్షన్ గా ఈ సిరీస్ రూపొందుతోంది. ఇండియన్ వర్షెన్ లో హీరోగా బాలీవుడ్ నటుడు వరుణ్ ధావన్ నటిస్తున్నారు.