Aadhi Pinisetty: బాలకృష్ణ ఒక పవర్ హౌజ్‌.. అందుకే ఆయ‌న‌తో నటించడం అదృష్టంగా భావిస్తా.
ఈ వార్తాకథనం ఏంటి
నందమూరి బాలకృష్ణను చూసినవాళ్లెవరైనా ఆయన ఎనర్జీకి ఫిదా అయిపోవాల్సిందే. ఇదే అభిప్రాయాన్ని ఇటీవల టాలెంటెడ్ యాక్టర్ ఆది పినిశెట్టి కూడా వ్యక్తం చేశారు. బాలకృష్ణతో కలిసి నటించడం తనకు ఒక ప్రత్యేకమైన అనుభవంగా మిగిలిందని చెప్పుతూ, "బాలకృష్ణ గారు ఒక్క వ్యక్తి మాత్రమే కాదని... ఆయన ఒక శక్తి. స్క్రీన్‌పై కనిపించేలా నిజ జీవితంలోనూ ఆయన పవర్ హౌస్ లాంటి వ్యక్తిత్వం కలిగివుంటారు" అంటూ పొగడ్తల వర్షం కురిపించారు. తెలుగులో మోస్ట్ అవైటెడ్ మూవీగా వ‌స్తున్న అఖండ 2 కోసం బాలయ్య-బోయపాటి శ్రీను మళ్లీ కలిశారు. ఈ సినిమాలో ఆది పినిశెట్టి విలన్ పాత్రలో కనిపించనున్నాడు.
వివరాలు
బాలకృష్ణ-బోయపాటి కాంబినేషన్ అంటేనే ప్రేక్షకుల ముందే భారీ అంచనాలు
ఒక ఇంటర్వ్యూలో ఆది మాట్లాడుతూ, "బాలకృష్ణ గారి పనితనం, కష్టపడి పనిచేసే విధానం చాలా మందికి ప్రేరణ. స్క్రీన్ పైననూ, ఆఫ్ స్క్రీన్ పైననూ ఆయన ఎనర్జీ అసాధారణం" అని చెప్పారు. అలాగే, బోయపాటి శ్రీనును కూడా ప్రశంసలతో ముంచెత్తారు. "బోయపాటి దర్శకత్వంలో ఓ ప్రత్యేక మ్యాజిక్ ఉంటుంది. బాలకృష్ణ-బోయపాటి కాంబినేషన్ అంటేనే ప్రేక్షకుల ముందే భారీ అంచనాలు ఏర్పడతాయి. అలాంటి సినిమాలో నాకూ అవకాశం దొరకడం నిజంగా నా అదృష్టం" అని తెలిపారు. గతంలో కూడా బోయపాటి దర్శకత్వంలో పని చేసిన అనుభవం ఉందని, ఈ సారి మరింత బలమైన, సవాలుగా ఉన్న పాత్రను దక్కించుకున్నట్లు ఆది వెల్లడించారు.
వివరాలు
అఖండ 2వాయిదా పడే అవకాశం
తనకు విలన్ పాత్రల్లో నటించడం ఇష్టమని ఆది తెలిపారు. "విలన్ క్యారెక్టర్‌లకు ఏ పరిమితి లేదు. అవి నటనలో కొత్త అవకాశాలను ఇస్తాయి. పూర్తిగా మంచివాడు కాదు, చెడ్డవాడు కాదు, మిడిల్‌లో ఉండే పాత్రలు ఎక్కువ శక్తిని, అవకాశాలను ఇస్తాయి. అందుకే విలన్ పాత్రలు నాకు ఎక్కువ ఆకర్షణ కలిగిస్తాయి" అని ఆయన చెప్పారు. ప్రస్తుతం, అఖండ 2 సినిమాను మొదట సెప్టెంబర్ 25న విడుదల చేయాలని భావించగా, పోస్ట్-ప్రొడక్షన్ పనుల కారణంగా వాయిదా పడే అవకాశం ఉందని ఫిల్మ్ వర్గాల్లో చర్చలు జరుగుతున్నాయి. ప్రగ్యా జైస్వాల్, సంయుక్త మీనన్ కథానాయికలుగా నటిస్తున్న ఈ చిత్రానికి మ్యూజిక్ డైరెక్టర్ తమన్ సంగీతం అందిస్తున్నారు.