Aamir Khan: మేఘాలయ హనీమూన్ హత్య కేసుపై ఆమిర్ ఖాన్ సినిమా? స్పందించిన హీరో..
ఈ వార్తాకథనం ఏంటి
దేశవ్యాప్తంగా సంచలనం సృష్టించిన మేఘాలయ హనీమూన్ హత్య కేసు గురించి ప్రత్యేకంగా చెప్పనవసరం లేదు. సినిమా కథను తలపించే ట్విస్టులతో కూడిన ఈ కేసు అన్ని వర్గాల దృష్టిని ఆకర్షించింది. తాజాగా ఈ కేసు ఆధారంగా ఓ సినిమా రూపొందనుందని సమాచారం. విభిన్నమైన కథలు,నూతన చిత్రాలతో ప్రేక్షకులను అలరించే బాలీవుడ్ మిస్టర్ పర్ఫెక్ట్ ఆమిర్ ఖాన్ ఈ హత్య కేసును ఆధారంగా చేసుకుని ఓ క్రైమ్ థ్రిల్లర్ మూవీని రూపొందించేందుకు సన్నాహాలు చేస్తున్నట్లు వార్తలు వెలువడుతున్నాయి. ఈ కేసులోని మిస్టరీ, థ్రిల్లింగ్ అంశాలు,భావోద్వేగాలు ఆమిర్ ఖాన్‌కు బాగా నచ్చినట్లు సమాచారం. కథ వివరాల ప్రకారం రాజా రఘువంశీ అనే వ్యక్తి తన భార్యతో కలిసి హనీమూన్‌కు వెళ్లిన సమయంలో అనుమానాస్పద పరిస్థితుల్లో మరణిస్తాడు.
వివరాలు
ఆమిర్ ఖాన్ బృందం నుంచి ఎలాంటి అధికారిక ప్రకటన విడుదల కాలేదు
అతడి మరణానికి కారణంగా భార్య సోనమ్‌పై అనేక అనుమానాలు మిగిలిపోతాయి. ఈ మిస్టరీ కథను ఆసక్తికరంగా ప్రేక్షకులకు వినిపించేలా రూపొందించేందుకు ఆమిర్ ప్రయత్నిస్తున్నారని తెలుస్తోంది. అయితే ఈ సినిమా ప్రాజెక్ట్‌పై ఇప్పటివరకు ఆమిర్ ఖాన్ బృందం నుంచి ఎలాంటి అధికారిక ప్రకటన విడుదల కాలేదు. గతంలో ఆయన 'తలాష్' అనే సైకాలజికల్ క్రైమ్ థ్రిల్లర్‌లో నటించిన విషయం తెలిసిందే. ఇప్పుడు మళ్లీ వాస్తవ సంఘటనల ఆధారంగా క్రైమ్ థ్రిల్లర్‌ను తెరకెక్కించేందుకు సిద్ధమవుతుండటం ఆసక్తికర పరిణామంగా మారింది. భావోద్వేగాలతో పాటు థ్రిల్ కూడా కోరుకునే ప్రేక్షకులకు ఈ సినిమా ఓ మంచి అనుభూతిని అందించనుందన్న అభిప్రాయాలు వ్యక్తమవుతున్నాయి.