Kasthuri Shankar: తెలుగువారిపై వివాదాస్పద వ్యాఖ్యలు చేసిన నటి కస్తూరి అరెస్టు
ఈ వార్తాకథనం ఏంటి
చెన్నైకి చెందిన నటి కస్తూరి శంకర్ ని పోలీసులు అదుపులోకి తీసుకున్నారు. సైబరాబాద్ పోలీసుల సహకారంతో చెన్నై పోలీసులు గచ్చిబౌలిలో ఆమెను అరెస్ట్ చేసి చెన్నైకి తరలించారు. తెలుగువారిపై అసభ్యకర వ్యాఖ్యలు చేసినందుకు కస్తూరి చుట్టూ వివాదం చెలరేగిన విషయం తెలిసిందే. ఇటీవల చెన్నైలో జరిగిన బ్రాహ్మణ సమాజం సమావేశంలో కస్తూరి తమిళనాడులో స్థిరపడ్డ తెలుగు వారిపై తీవ్ర వ్యాఖ్యలు చేశారు. దశాబ్దాల క్రితం రాణుల దగ్గర సేవల కోసం వచ్చిన తెలుగు వారు ఇక్కడే స్థిరపడి ఇప్పుడు రాజకీయంగా చక్రం తిప్పుతున్నారని ఆమె చేసిన వ్యాఖ్యలు తీవ్ర దుమారాన్ని రేపాయి.
Details
కస్తూరిపై పలు సెక్షన్ల కింద కేసు నమోదు
కస్తూరి చేసిన వ్యాఖ్యలు తెలుగువారిపై తీవ్రంగా బాధించాయి. రాష్ట్ర వ్యాప్తంగా ఆందోళనలు చేపట్టిన తెలుగు సంఘాలు, నటి వ్యాఖ్యలను ఖండిస్తూ ప్రభుత్వంపై ఒత్తిడి తీసుకొచ్చాయి. ఈ అంశాన్ని సీరియస్‌గా తీసుకున్న పోలీసులు కస్తూరి పై పలు కేసులు నమోదు చేశారు. అప్పటినుంచి అజ్ఞాతంలో ఉన్న ఆమెను ఎట్టకేలకు గచ్చిబౌలిలో గుర్తించి అరెస్ట్ చేశారు. కస్తూరి అరెస్ట్‌తో వివాదం మరింత ముదిరే అవకాశం ఉందని విశ్లేషకులు అంచనా వేస్తున్నారు.