ఆదిపురుష్ చిత్రంలో ప్రభాస్ అభిమానులకు డబుల్ బొనాంజా: దశరథుడిగా ఎవరు చేసారంటే?
ఈ వార్తాకథనం ఏంటి
ఎన్నోరోజులుగా ప్రభాస్ అభిమానులు ఎదురుచూస్తున్న తరుణం రానే వచ్చింది. ఆదిపురుష్ చిత్రం ఈరోజు రిలీజై మంచి పాజిటివ్ టాక్ ను తెచ్చుకుంటోంది.
సినిమా చూసిన వాళ్ళందరూ తమ అభిప్రాయాలను సోషల్ మీడియాలో పంచుకుంటున్నారు.
ఆదిపురుష్ చిత్రంలో ప్రభాస్ అభిమానులకు సర్ప్రైజ్ ఎదురు కానుందట. రాముడిగా మాత్రమే కాకుండా మరో పాత్రలోనూ ప్రభాస్ కనిపిస్తారని చెబుతున్నారు.
రాముడి తండ్రి దశరథుడిగా ప్రభాస్ కనిపిస్తున్నారని అందుకు సంబంధించిన ఫోటోలను ఇంటర్నెట్ లో పంచుకుంటున్నారు. ఇది నిజంగా అభిమానులకు కిక్కిచ్చే విషయమే.
ఇకపోతే ఆదిపురుష్ చిత్రం గురించి మాట్లాడుతూ, ఫస్టాఫ్ లో గ్రాఫిక్స్ అదిరిపోయాయని అంటున్నారు.
Details
చిన్నపిల్లలకు తప్పకుండా చూపించాలని సలహా
ఆదిపురుష్ చిత్రాన్ని 500కోట్ల బడ్జెట్ తో తెరకెక్కించారు. నిజానికి టిజర్ రిలీజ్ అయినపుడు ఈ సినిమా బడ్జెట్ 400కోట్లు మాత్రమేనట.
టీజర్ కు నెగెటివిటీ రావడంతో మళ్ళీ గ్రాఫిక్స్ రిపేర్లు చేపట్టారని నిర్మాత చెప్పుకొచ్చారు. రిపేర్లకు 100కోట్లకు పైగా ఖర్చు అయ్యిందని అప్పట్లో వార్తలు వచ్చాయి.
రిపేర్ల ఫలితంగా ఆదిపురుష్ చిత్రం, వెండితెరపై అద్భుతంగా కనిపిస్తోందని ప్రేక్షకులు కామెంట్లు పెడుతున్నారు. ముఖ్యంగా చిన్నపిల్లలకు ఆదిపురుష్ చిత్రాన్ని తప్పక చూపించాలని అంటున్నారు.
ప్రపంచ వ్యాప్తంగా 7వేల థియేటర్లలో రిలీజ్ అయిన ఆదిపురుష్ చిత్రానికి మొదటిరోజు రికార్డు స్థాయి వసూళ్ళు నమోదవుతాయని అంచనా వేస్తున్నారు.
హిందీ బెల్టులో ఈ చిత్రానికి వసూళ్ళు మరింత ఎక్కువగా ఉండే అవకాశం ఉందని సమాచారం.