అజయ్ చక్రవ్యూహం ఓటీటీలో రిలీజ్: స్ట్రీమింగ్ ఎక్కడంటే?
ఈ వార్తాకథనం ఏంటి
క్యారెక్టర్ ఆర్టిస్టుగా, విలన్ గా వైవిధ్యమైన పాత్రల్లో కనిపించిన అజయ్, తాజాగా హీరోగా చక్రవ్యూహం - ద ట్రాప్ అనే సినిమాతో ప్రేక్షకుల ముందుకు వచ్చాడు. చాలారోజుల తర్వాత అజయ్ హీరోగా నటించిన చిత్రం ఇది.
ఇటీవల థియేటర్లలో రిలీజైన ఈ సినిమా, ఫర్వాలేదనిపించింది. క్రైమ్ థ్రిల్లర్ జోనర్ లో తెరకెక్కిన ఈ సినిమా, ప్రస్తుతం ఓటీటీలో రిలీజ్ అయ్యింది.
అమెజాన్ ప్రైమ్ వీడియో వేదికగా ఈరోజు(జూన్ 6) నుండి అందుబాటులో ఉంది. థియేటర్లలో చక్రవ్యూహం-ద ట్రాప్ సినిమాను మిస్సయిన వారు అమెజాన్ లో నేటి నుంచి చూడవచ్చు.
ఈ సినిమాలో పవర్ ఫుల్ పోలీస్ ఆఫీసర్ గా అజయ్ కనిపించాడు.
Details
చక్రవ్యూహం ద ట్రాప్ కథ ఏంటంటే?
సంజయ్ అనే వ్యాపారవేత్త భార్యను, అతని స్నేహితుడిని ఎవరో మర్డర్ చేస్తారు. ఆ మర్డర్ ఎందుకు చేసారు? ఎవరు చేసారు? అనే విషయాలను కనుక్కునేందుకు అజయ్ పాత్ర ప్రయత్నిస్తుంటుంది.
మరి చివరికి అతను ఆ మర్దర్ మిస్టరీని ఛేధింఛాడా లేదా అనేదే కథ.
సహస్ర క్రియేషన్స్ బ్యానర్ లో రూపొందిన ఈ సినిమాను చెట్కూరి మధుసూధన్ డైరెక్ట్ చేసారు.
అజయ్, జ్ఞానేశ్వరి, వివేక్ త్రివేది, ఊర్వశి పరదేశి, శుభలేఖ సుధాకర్, రాజీవ్ కనకాల నటించారు. భరత్ మంచిరాజు సంగీతం అందించిన ఈ సినిమా, జూన్ 2న థియేటర్లలో విడుదలైంది.