Akhanda2: అఖండ 2 పోస్టర్ రిలీజ్.. మరోసారి బాలయ్య, బోయపాటి కాంబో
ఈ వార్తాకథనం ఏంటి
నందమూరి బాలకృష్ణ, బోయపాటి శ్రీను కాంబినేషన్ అంటే నందమూరి ఫ్యాన్స్ కు పండగలా ఉంటుంది.
వీరి కాంబోలో సింహ, లెజెండ్, అఖండ వంటి మాస్ ఎంటర్‌టైనర్లు ప్రేక్షకులను అలరించి బాక్సాఫీస్ వద్ద కలెక్షన్ల వర్షం కురిపించారు.
లాక్‌డౌన్ సమయంలో విడుదలైన అఖండ చిత్రం బాలయ్య కెరీర్‌లోనే బిగ్గెస్ట్ హిట్‌గా రికార్డుకెక్కింది. ఈ చిత్రం విజయంతో, సీక్వెల్ పై కూడా ఆసక్తి పెరిగింది.
మేకర్స్ అప్పటికే సీక్వెల్ ఉంటుందని ప్రకటించారు. తాజాగా 'అఖండ 2 - తాండవం' పేరుతో ఈ సీక్వెల్ రాబోతుందని మేకర్స్ స్పష్టం చేశారు.
తాజా టైటిల్ పోస్టర్‌లో 'తాండవం' అనే ట్యాగ్‌లైన్‌తో అఖండ 2 టైటిల్‌ను ఫైనల్ చేశారు. కథ మొదటి భాగం ముగిసిన చోటు నుంచి కొనసాగనుంది.
Details
అఖండ 2పై భారీ అంచనాలు
అఖండ పాత్ర కుమార్తె పెద్దయ్యాక జరిగే కథనమని, ఈ సీక్వెల్‌లో ప్రధానంగా ఉంటుందని తెలుస్తోంది. బుధవారం పూజా కార్యక్రమాలతో అఖండ 2 మొదలుకానుంది.
బాలకృష్ణ ఇటీవల వరుస హిట్స్ కొడుతుండడంతో అఖండ 2పై భారీ అంచనాలు నెలకొన్నాయి.
బోయపాటి శ్రీను, స్కంద చిత్రం నిరాశ పరచిన తర్వాత, ఈ సినిమాను మరోసారి భారీ హిట్‌గా నిలబెట్టే యత్నంలో ఉన్నారు. ప్రస్తుతానికి బాలకృష్ణ బాబీ దర్శకత్వంలో మరో సినిమా షూటింగ్‌లో బిజీగా ఉన్నారు.
ఈ ప్రాజెక్టు పూర్తయ్యాక వెంటనే అఖండ 2 షూటింగ్‌లో పాల్గొంటారు. తమన్ సంగీతం అందిస్తుండగా, 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ఈ చిత్రాన్ని నిర్మించనున్నారు.