Nagarjuna: అఖిల్ వివాహం ఎప్పుడో చెప్పేసిన నాగార్జున
అక్కినేని కుటుంబంలో వరుస వివాహ వేడుకలు జరగనుండటం తెలిసిందే. నాగార్జున పెద్ద తనయుడు నాగ చైతన్య వివాహం కొన్ని రోజుల్లో జరగబోతుండగా, చిన్నతనయుడు అఖిల్ కూడా పెళ్లి కొడుకు గా సిద్ధమయ్యారు. ఈ నేపథ్యంలో నాగార్జున తన కుటుంబంలో జరుగుతున్న శుభకార్యాలపై ఆనందం వ్యక్తం చేశారు. ఈ విషయాన్ని ఇటీవల ఆయన ఓ ఇంటర్వ్యూలో తెలియజేశారు.
డిసెంబర్ 4న నాగచైతన్య-శోభిత వివాహం
"ఈ ఏడాది మా కుటుంబానికి చాలా ప్రత్యేకమైనది. ఒకవైపు నాన్నగారి శతజయంతి వేడుకలు జరుగుతున్నాయి,మరొకవైపు నా పిల్లలు జీవితంలో కొత్త మార్గాన్ని చేపట్టబోతున్నారు.డిసెంబర్ 4న నాగచైతన్య-శోభిత వివాహం జరగనుంది.పెళ్లి ఏర్పాట్లు త్వరగా జరుగుతున్నాయి. నా తండ్రి స్థాపించిన అన్నపూర్ణ స్టూడియోస్‌లో ఈ పెళ్లి జరగడం చాలా ఆనందం కలిగిస్తోంది.మా కుటుంబం చాలా పెద్దది,అలాగే శోభిత కుటుంబం కూడా చాలా పెద్దది.ఈ పెళ్లి సంతోషంగా, కొంత మంది సమక్షంలో గ్రాండ్‌గా జరగాలని అనుకుంటున్నాం.
వచ్చే ఏడాదిలో వీరి పెళ్లి
మా రెండో కుమారుడు అఖిల్ కూడా త్వరలో పెళ్లి బంధంలోకి అడుగుపెడుతున్నందుకు ఆనందంగా ఉంది. జైనబ్ రవ్జీ చాలా మంచి అమ్మాయి. ఆమెకు ఇతరులపై ప్రేమ, అనురాగం గలిగిఉంది. వారిద్దరూ కలిసి జీవితం కొనసాగించాలని నిర్ణయించుకున్నందుకు సంతోషంగా ఉంది. అఖిల్ ఆమెతో జీవితం పరిపూర్ణం చేసుకోవాలని నేను నమ్ముతున్నాను. ఆమెను మా కుటుంబంలో స్వాగతిస్తున్నాను. వచ్చే ఏడాదిలో వీరి పెళ్లి జరగనుంది'' అని నాగార్జున చెప్పారు. మంగళవారం అఖిల్-జైనబ్ నిశ్చితార్థం జరిగినట్లు నాగార్జున ప్రకటించారు. ఇరు కుటుంబాల పెద్దల సమక్షంలో ఈ వేడుక నాగార్జున నివాసంలో జరిగింది.
అఖిల్‌కి రెండు సంవత్సరాల క్రితం పరిచయమైన జైనబ్
"జైనబ్‌తో అఖిల్ నిశ్చితార్థం జరగడం చాలా ఆనందంగా ఉంది. మా కోడలిగా జైనబ్‌ను మా కుటుంబంలో స్వాగతించడానికి సంతోషిస్తున్నాం. కాబోయే దంపతులకు మీ ఆశీస్సులు కావాలి'' అంటూ ఆయన ఒక పోస్ట్‌లో తెలిపారు. జైనబ్ రవ్జీ చిత్రకారిణిగా,సోషల్ మీడియా ఇన్‌ఫ్లూయెన్సర్‌గా పేరుగాంచింది. ఆమె భారతదేశం, దుబాయ్,లండన్‌లో ప్రదర్శనలు పెట్టినట్లు తెలిసింది. ఆమె హైదరాబాద్‌లో జన్మించి ముంబయిలో నివసిస్తుందని సమాచారం. ఆమె తండ్రి జుల్ఫీ రవ్జీ, నాగార్జునతో చాలా సంవత్సరాలుగా స్నేహంగా ఉన్నారు. అఖిల్‌తో జైనబ్ పరిచయమైన రెండు సంవత్సరాల క్రితం, అది ప్రేమగా మారిందని చెబుతున్నారు.
