Naga chaitanya: 'లెనిన్' కథ ఒప్పుకున్నప్పుడే అఖిల్ హీరో అయ్యాడు.. నాగచైతన్య ఎమోషనల్ కామెంట్స్
ఈ వార్తాకథనం ఏంటి
అక్కినేని కుటుంబంతో పాటు అభిమానులంతా ప్రస్తుతం 'లెనిన్' సినిమా విజయోత్సాహంలో మునిగిపోయారు. అఖిల్ అక్కినేని హీరోగా తెరకెక్కిన ఈ చిత్రం బాక్సాఫీస్ వద్ద విజయాన్ని అందుకోవడంతో చిత్రబృందం తాజాగా సక్సెస్ మీట్ నిర్వహించింది. ఈ కార్యక్రమంలో పాల్గొన్న నాగ చైతన్య తన తమ్ముడు అఖిల్పై ప్రశంసల వర్షం కురిపిస్తూ, సినిమా కథ విన్నప్పుడు తనకే భయం వేసిందని ఆసక్తికర వ్యాఖ్యలు చేశారు.
వివరాలు
'ఈ కథ ఒప్పుకున్నప్పుడే అఖిల్ హీరో అయ్యాడు'
నాగచైతన్య మాట్లాడుతూ.. "'లెనిన్' విజయం సాధించినందుకు చాలా ఆనందంగా ఉంది. ఈ కథను అంగీకరించిన క్షణం నుంచే అఖిల్ నా దృష్టిలో హీరో అయ్యాడు.
ఈ కథ విన్న వెంటనే ఒక నటుడిగా నాకు భయమేసింది. ఇలాంటి పాత్ర చేయాలంటే కనీసం 25 సినిమాల అనుభవం ఉండాలని అనిపించింది.
కానీ అఖిల్ కథను పూర్తిగా నమ్మి ఈ ఛాలెంజింగ్ పాత్రను అంగీకరించాడని అన్నారు. అలాగే నిజ జీవితంలో అఖిల్ వ్యక్తిత్వానికి ఈ సినిమాలోని పాత్రకు ఎలాంటి సంబంధం లేదు.
ఈ సినిమా కోసం అతను ఎంత కష్టపడ్డాడో నేను ప్రత్యక్షంగా చూశాను. ఒక అన్నయ్యగా, ఒక అభిమానిగా అఖిల్ను చూస్తుంటే ఎంతో గర్వంగా ఉందంటూ తన ఆనందాన్ని వ్యక్తం చేశారు.
వివరాలు
నాగార్జునపై ప్రశంసలు
ఈ సందర్భంగా తండ్రి నాగార్జున గురించి కూడా నాగచైతన్య ఆసక్తికర వ్యాఖ్యలు చేశారు.
నాన్న ఇంట్లో ఎలా ఉంటారో నాకు, అఖిల్కే తెలుసు. ఆయన ఏదైనా పనిని సవాలుగా తీసుకుంటే దానిని పూర్తి చేయడానికి ఎంతదూరమైనా వెళ్తారు.
'మనం', 'బంగార్రాజు' సినిమాల సమయంలో ఆయనలో ఆ తపనను చూశాను. ఇప్పుడు 'లెనిన్' సినిమా విషయంలో కూడా అదే కమిట్మెంట్ కనిపించిందని తెలిపారు.
వివరాలు
'నేను చేసి చూపిస్తా' అన్న నాగార్జున
'లెనిన్' కథ గురించి తొలిసారి చర్చ జరిగిన సందర్భాన్ని గుర్తుచేసుకున్న నాగచైతన్య.. ప్రస్తుతం ప్రేమకథల సినిమాలు ఎక్కువగా వస్తున్న సమయంలో ఇలాంటి కథను ప్రేక్షకులు ఆదరిస్తారా అని నేను నాన్నను అడిగాను.
దానికి ఆయన 'నేను చేసి చూపిస్తా' అని ధైర్యంగా చెప్పారు. ఆయనలో నాకు అత్యంత నచ్చేది ఆ ఆత్మవిశ్వాసం, ఆ ధైర్యమే. ఆయనే నాకు ఎప్పటికీ స్ఫూర్తి అని అన్నారు.
అఖిల్ నటన, నాగార్జున నమ్మకం, చిత్రబృందం కృషితో 'లెనిన్' విజయాన్ని అందుకోవడం అక్కినేని కుటుంబంతో పాటు అభిమానుల్లోనూ ఆనందాన్ని నింపింది.