Allu Arjun: బెర్లిన్‌కు అల్లు అర్జున్.. ఎందుకో తెలుసా..?
పుష్ప సినిమాతో అల్లు అర్జున్ పాన్ ఇండియా స్టార్ అయ్యాడు.ఇప్పటికే,పుష్ప 2 నుంచి ఓ గ్లింప్స్ రిలీజ్ చేసి అంచనాలు పెంచింది చిత్ర బృందం. ప్రస్తుతం పుష్ప 2 షూటింగ్ హైదరాబాద్ రామోజీ ఫిలింసిటీలో శరవేగంగా జరుగుతుంది.ఈ సినిమాని ఆగష్టు 15,2024న ప్రపంచవ్యాప్తంగా విడుదలచేయడానికి మేకర్స్ ప్లాన్ చేశారు. ఈ రోజు నుండి జరగనున్న ప్రతిష్టాత్మకమైన 74వ బెర్లిన్ ఇంటర్నేషనల్ ఫిల్మ్ ఫెస్టివల్‌లో పాల్గొనడానికి అల్లు అర్జున్ బెర్లిన్‌కు బయలుదేరారు. బుధవారం ఉదయం ఆయన విమానాశ్రయంలో దర్శనమిచ్చారు.ఆయన పర్యటనకు సంబంధించిన మరిన్ని వివరాలు త్వరలో వెల్లడి కానున్నాయి. కాగా,సెట్స్‌పై ఇతర నటీనటులతో పుష్ప 2 షూటింగ్ హైదరాబాద్‌లో కొనసాగుతోంది.దేవిశ్రీ ప్రసాద్ సంగీత దర్శకుడిగా పనిచేస్తున్న ఈ మూవీని మైత్రీ మూవీ మేకర్స్ నిర్మిస్తున్నారు.
