తొలిప్రేమ క్లైమాక్స్ చూసి స్క్రీన్ పగలగొట్టేంత కోపం తెచ్చుకున్న అమితాబ్ బచ్చన్
ఈ వార్తాకథనం ఏంటి
తెలుగు సినిమా ఇండస్ట్రీలో చెప్పుకోదగ్గ ప్రేమకథా చిత్రాల్లో పవన్ కళ్యాణ్ నటించిన తొలిప్రేమ మొదటి వరుసలో ఉంటుంది.
కీర్తి రెడ్డి హీరోయిన్ గా నటించిన ఈ సినిమా, క్లాసిక్ గా నిలిచిపోయింది. ఈ సినిమాలోని పవన్ పాత్రకు ప్రతీ ఒక్కరూ కనెక్ట్ అవుతారు. తొలిప్రేమ సినిమా తర్వాతే పవన్ కళ్యాణ్ స్టార్ ఇమేజ్ తెచ్చుకున్నారు.
ప్రస్తుతం తొలిప్రేమ సినిమా, జూన్ 30వ తేదీన రీ రిలీజ్ కు సిద్ధమవుతోంది. ఈ సందర్భంగా తొలిప్రేమ సినిమా గురించి దర్శకుడు కరుణాకరన్ పంచుకున్న విషయాలు వైరల్ అవుతున్నాయి.
ఒకసారి చెన్నైకి వచ్చిన బాలీవుడ్ నటుడు అమితాబ్ బచ్చన్ కరుణాకరన్ ను కలుసుకుని తొలిప్రేమ గురించి మాట్లాడారట.
Details
క్లాప్ కొట్టి వెనక్కి పిలిచిన జయా బచ్చన్
తాను తొలిప్రేమ సినిమా చూస్తున్నప్పుడు క్లైమాక్స్ టైమ్ లో తనకు కోపం వచ్చిందనీ, హీరోని వదిలి హీరోయిన్ వెళ్ళిపోతుండగా తాను కోపం తెచ్చుకుని కారు తాళాలను స్క్రీన్ మీదకు విసిరేసినట్లు అమితాబ్ చెప్పారని కరుణాకరన్ అన్నారు.
హీరోని వదిలి హీరోయిన్ ఎందుకు వెళ్ళిపోతుంది? అసలు దర్శకుడు ఏం చెప్పాలనుకుంటున్నాడని కోపంతో పక్కకు వెళ్ళిపోయారట అమితాబ్.
ఆ టైమ్ లో జయాబచ్చన్ చప్పట్లు కొట్టి అమితాబ్ ని వెనక్కి పిలిచిందట. అప్పుడు హీరో కోసం హీరోయిన్ తిరిగి వచ్చే సీన్ రావడంతో మంచి సినిమాను చూసానన్న అనుభూతి అమితాబ్ కి కలిగిందట.
అప్పుడెప్పుడో కరుణాకరన్ చెప్పిన ఈ మాటలు, ప్రస్తుతం ఇంటర్నెట్ లో వైరల్ గా మారుతున్నాయి.