డియర్ కామ్రేడ్ సినిమాలోని పాట పాడిన ఆనంద్ దేవరకొండ: ముసిముసిగా నవ్విన రష్మిక
ఈ వార్తాకథనం ఏంటి
విజయ్ దేవరకొండ తమ్ముడిగా ఇండస్ట్రీలోకి ఎంటరయ్యాడు ఆనంద్ దేవరకొండ. ఇప్పటివరకు ఆనంద్ తీసిన చిత్రాలు బ్లాక్ బస్టర్ విజయాలు అందుకోలేకపోయిన ఫర్వాలేదనిపించాయి.
ప్రస్తుతం బేబి సినిమాతో హీరోగా వస్తున్నాడు ఆనంద్. ఈ సినిమాలోని సాంగ్ లాంచ్ చేయడానికి రష్మిక మందన్న ముఖ్య అతిథిగా వచ్చింది.
ఈ కార్యక్రమంలో రష్మిక గురించి ఆనంద్ దేవరకొండ మాట్లాడుతూ, డియర్ కామ్రేడ్ చిత్రంలోని నీ నీలి కన్నుల్లోని ఆకాశమే అనే పాటను పాడి రష్మికకు అంకితమిచ్చాడు.
తాను, విజయ్ దేవరకొండ నటించిన సినిమాలోని పాటను ఆనంద్ దేవరకొండ పాడటంతో ఆమె మొహంలోకి చిరునవ్వొచ్చింది.
Details
సోషల్ మీడియాలో పుకార్లు
గత కొన్ని రోజులుగా రష్మిక, విజయ్ దేవరకొండ మధ్య రిలేషన్ ఉందంటూ అనేక పుకార్లు సోషల్ మీడియాలో షికార్లు చేస్తున్నాయి.
విజయ్, రష్మికల మాల్దీవ్ ట్రిప్ ఫోటోస్, అప్పుడప్పుడు హైదరాబాద్ లోని కాఫీ షాపుల్లో కలిసి కనిపించడం మొదలైనవనీ ఈ పుకార్లకు మరింత ఊతమిస్తున్నాయి.
అయితే తమ మధ్య ఎలాంటి రిలేషన్ లేదని, కేవలం ఫ్రెండ్ మాత్రమేనని గతంలో విజయ్, రష్మిక చెప్పుకొచ్చారు.
విజయ్, రష్మిక కలిసి ఇప్పటివరకు గీత గోవిందం, డియర్ కామ్రేడ్ చిత్రాల్లో నటించారు. ఈ రెండు సినిమాల్లో వీరిద్దరి మధ్య కెమిస్ట్రీ చక్కగా కుదిరింది.
ఈ సినిమాల్లో గీత గోవిందం బ్లాక్ బస్టర్ గా నిలిస్తే డియర్ కామ్రేడ్ యావరేజ్ అనిపించుకుంది.