Epic Movie OTT: ఓటీటీలోకి వచ్చేస్తోన్న ఆనంద్‌ దేవరకొండ, వైష్ణవి చైతన్య మూవీ.. స్ట్రీమింగ్‌ డేట్‌ ఇదే!
ఈ వార్తాకథనం ఏంటి
'బేబీ' వంటి మైండ్‌ బ్లోయింగ్‌ హిట్‌ తర్వాత టాలీవుడ్ హీరో ఆనంద్‌ దేవరకొండ, వైష్ణవి చైతన్య జంటగా నటించిన చిత్రం 'ఎపిక్‌ - ఫస్ట్‌ సెమిస్టర్‌' (Epic - First Semester). సిరివెన్నెల ఎంటర్‌టైన్‌మెంట్స్‌, సితార ఎంటర్‌టైన్‌మెంట్స్‌ బ్యానర్లపై నాగవంశీ, సాయి సౌజన్య ఈ చిత్రాన్ని నిర్మించారు. ఆదిత్య హాసన్‌ దర్శకత్వం వహించిన ఈ రొమాంటిక్‌ డ్రామా ఇటీవలే థియేటర్లలో విడుదలైంది. తాజాగా ఈ సినిమా ఓటీటీ స్ట్రీమింగ్‌కు సిద్ధమైంది.
వివరాలు
నెట్‌ఫ్లిక్స్‌లో 'ఎపిక్‌' స్ట్రీమింగ్‌..
'ఎపిక్‌ - ఫస్ట్‌ సెమిస్టర్‌' డిజిటల్‌ హక్కులను ప్రముఖ ఓటీటీ సంస్థ నెట్‌ఫ్లిక్స్‌ సొంతం చేసుకుంది.
అక్టోబర్‌ 9, 2026 నుంచి ఈ సినిమాను డిజిటల్‌గా స్ట్రీమింగ్‌కు తీసుకురానున్నట్లు నెట్‌ఫ్లిక్స్‌ అధికారికంగా ప్రకటించింది.
కేవలం తెలుగులోనే కాకుండా తమిళం, హిందీ, కన్నడ, మలయాళ భాషల్లోనూ ఈ సినిమా ఏకకాలంలో అందుబాటులోకి రానుంది.
వివరాలు
లండన్‌ నేపథ్యంలో కథ..
కథ విషయానికొస్తే.. మిడిల్‌ క్లాస్‌ బ్యాక్‌డ్రాప్‌లో ఉన్నత చదువుల కోసం లండన్‌ వెళ్లిన ఓ కుర్రాడు అక్కడ ఎదుర్కొనే అనుభవాల చుట్టూ ఈ కథ సాగుతుంది.
లవ్‌, ఐడెంటిటీ క్రైసిస్‌తో పాటు అతడి ఫస్ట్‌ సెమిస్టర్‌ లైఫ్‌లో ఎదురైన పరిణామాలను ఇందులో చూపించారు.
ఈ చిత్రంలో ఆనంద్‌ దేవరకొండ, వైష్ణవి చైతన్యలతో పాటు సీనియర్‌ నటుడు శివాజీ, వాసుకి, కళ్యాణ్‌ శంకర్‌ కీలక పాత్రల్లో నటించారు. హేషమ్‌ అబ్దుల్‌ వహాబ్‌ ఈ చిత్రానికి సంగీతం అందించారు.
వివరాలు
ఆకట్టుకున్న కామెడీ, కెమిస్ట్రీ..
సినిమా మొదటి భాగంలో వచ్చే విలేజ్‌, అబ్రాడ్‌ కామెడీ సన్నివేశాలు ప్రేక్షకులను ఆకట్టుకున్నాయి. అలాగే ఆనంద్‌ దేవరకొండ, వైష్ణవి చైతన్యల మధ్య కెమిస్ట్రీకి మంచి స్పందన లభించింది.
హేషమ్‌ అబ్దుల్‌ వహాబ్‌ అందించిన సంగీతం కూడా సినిమాకు ప్రత్యేక ఆకర్షణగా నిలిచింది. ముఖ్యంగా 'సంచారమే' పాట ప్రేక్షకులను ఆకట్టుకుంది.
ఇక తండ్రి-కొడుకుల మధ్య వచ్చే ఎమోషనల్‌ సన్నివేశాలు కూడా ప్రేక్షకులను మెప్పించాయి.
తాజాగా థియేట్రికల్‌ రన్‌ పూర్తి చేసుకున్న ఈ చిత్రం అక్టోబర్‌ 9 నుంచి నెట్‌ఫ్లిక్స్‌లో స్ట్రీమింగ్‌ కానుంది.