Anant Radhika Wedding: మథురలోని బాంకే బిహారీ ఆలయానికి అనంత్ అంబానీ, రాధిక మర్చంట్ వెడ్డింగ్ కార్డ్
జూలై 12న అనంత్ అంబానీ, రాధికా మర్చంట్ పెళ్లి చేసుకోనున్నారు. ఆంటిలియాలో అనంత్ అంబానీ, రాధిక మర్చంట్ పెళ్లికి సన్నాహాలు మొదలయ్యాయి. అనంత్ అంబానీ, రాధిక మర్చంట్‌ల వివాహ మొదటి వేడుక జూలై 3న జరిగింది. దీన్నే మామెరు అంటారు. కాగా, రిలయన్స్ ఇండస్ట్రీస్ యజమాని ముకేష్ అంబానీ తన కుమారుడు అనంత్ అంబానీ వివాహ ఆహ్వానాన్ని ఠాకూర్ బాంకే బిహారీజీకి పంపారు. ఈ పెళ్లికి ఆహ్వానించడానికి చాలా ఆకర్షణీయమైన కార్డును సిద్ధం చేశారు. 7 కిలోల బరువున్న ఈ కార్డులో దేవుడి బొమ్మ ఉంటుంది, బంగారం, వెండితో చేసిన దేవుని విగ్రహం కూడా ఉంది.
అనంత్ రాధిక వెడ్డింగ్: కార్డు పైభాగంలో శ్రీ గుర్తు
అనంత్ అంబానీ పెళ్లి కార్డును మంగళవారం సాయంత్రం, బాంకే బిహారీ మందిర్ సేవాయత్ ఆచార్య గోపీ గోస్వామి,శ్రీనాథ్ గోస్వామికి అందజేశారు. అనంతరం ఆచార్య గోపీ గోస్వామి,శ్రీనాథ్ గోస్వామి, వేదమంత్రోచ్ఛారణల మధ్య అనంత్ అంబానీ వివాహ ఆహ్వాన పత్రికను ఠాకూర్ బాంకే బిహారీజీ పాదాల వద్ద సమర్పించి ఆశీస్సులు అందుకున్నారు. ఈ కార్డు పెట్టెపై శ్రీ చిహ్నం ఉంది.ఈ కార్డుపై నీతా అంబానీ,ముఖేష్ అంబానీ పేర్లు కూడా రాసి ఉన్నాయి. ఈ వెడ్డింగ్ కార్డ్ స్వామి హరిదాసియా శాఖకు చెందిన తాటియా ప్రాంతానికి కూడా పంపారు.ఈ ఆహ్వాన పత్రికను అంబానీ కుటుంబ ప్రతినిధులు ఆయనకు అందజేశారు. ఈ కార్డు ఠాకూర్ బాంకే బిహారీజీ పాదాల వద్ద సమర్పించారు.
