సెట్లో మామయ్యా అని పిలిచేదని శ్రీలీలతో బంధాన్ని బయటపెట్టిన అనిల్ రావిపూడి
ఈ వార్తాకథనం ఏంటి
టాలీవుడ్ ప్రస్తుతం శ్రీలీల జపం చేస్తోంది. ఏ కొత్త సినిమాను మొదలుపెట్టినా అందులో హీరోయిన్ గా శ్రీలీల పేరు వినిపిస్తోంది.
ఒకే హీరోయిన్ పేరు వరుస పెట్టి పెద్ద సినిమా నుండి చిన్న సినిమాల వరకు వినిపించడం ఇదే మొదటిసారి కావచ్చు.
శ్రీలీల నటించిన భగవంత్ కేసరి చిత్రం ప్రస్తుతం ప్రేక్షకుల ముందుకు వచ్చేందుకు సిద్ధమవుతోంది. ఈ సినిమాలో బాలకృష్ణ కూతురుగా శ్రీలీల కనిపిస్తోంది.
ట్రైలర్ లో బాలకృష్ణ శ్రీలీల మధ్య కనిపించిన షాట్స్ ప్రేక్షకులలో విపరీతమైన ఆసక్తిని కలిగించాయి.
అయితే శ్రీలీల గురించి ఆసక్తికరమైన విషయాన్ని భగవంత్ కేసరి దర్శకుడు అనిల్ రావిపూడి బయటపెట్టారు.
Details
అనిల్ రావిపూడి కోడలు శ్రీలీల
శ్రీలీల తనకు బంధువు అవుతుందని అనిల్ రావిపూడి చెప్పుకొచ్చారు.
శ్రీలీల వాళ్ళ అమ్మ స్వర్ణ సొంత ఊరు ఒంగోలు దగ్గర పొంగులూరు అని, తన అమ్మగారి ఊరు కూడా అదేనని, స్వర్ణ తనకు వరుసకు అక్క అవుతుందని అనిల్ రావిపూడి తెలియజేశారు.
ఈ క్రమంలో అక్క కూతురు తనకు కోడలు అవుతుందని, అంటే శ్రీలీల తనకు మేన కోడలు అవుతుందని అనిల్ రావిపూడి అన్నారు.
అంతేకాదు భగవంత్ కేసరి షూటింగ్ చేస్తున్న సమయంలో అందరి ముందు డైరెక్టర్ గారు అని, శ్రీలీల పిలిచేదని, ఎవరూ లేనప్పుడు మాత్రం మామయ్య అని పిలిచేదని అనిల్ రావిపూడి వెల్లడి చేశారు.