Prabhas : 'ఫౌజీ'లో మరో సీనియర్ బాలీవుడ్ హీరోయిన్..?
ఈ వార్తాకథనం ఏంటి
టాలీవుడ్ స్టార్ హీరో ప్రభాస్ నటిస్తున్న పాన్ ఇండియా సినిమాల్లో 'ఫౌజీ' ఒకటి. ఈ చిత్రాన్ని పీరియాడిక్ వార్ అండ్ లవ్ స్టోరీగా దర్శకుడు హను రాఘవపూడి రూపొందిస్తున్నారు. మైత్రీ మూవీ మేకర్స్ ఈ సినిమాను నిర్మిస్తుండగా, ప్రభాస్ ఇందులో ఓ సైనికుడి పాత్రను పోషిస్తున్నారని సమాచారం. బాలీవుడ్ నటుడు అనుపమ్ ఖేర్ కూడా ఈ చిత్రంలో కీలక పాత్రలో నటిస్తున్నారు. ఇటీవల ఆయన 'ఫౌజీ' సినిమా సెట్స్‌లో చేరారు. ఇమాన్వి హీరోయిన్‌గా నటిస్తుండగా, ఈ చిత్రంపై భారీ అంచనాలు ఉన్నాయి. ఆ అంచనాలకు తగ్గట్టుగానే హను రాఘవపూడి సినిమాను తెరకెక్కిస్తున్నారు.
వివరాలు
మరో సీనియర్ బాలీవుడ్ హీరోయిన్
ఇప్పుడీ సినిమాకు సంబంధించి మరో ఆసక్తికరమైన వార్త వైరల్ అవుతోంది. అందులోనూ బాలీవుడ్ స్టార్ హీరోయిన్ ఆలియా భట్ గురించి ఆసక్తికరమైన వార్తలు వినిపిస్తున్నాయి. ఆమె ఈ సినిమాలో ఓ ముఖ్యమైన పాత్రలో నటించనున్నట్టు, పైగా యువరాణిగా కనిపించనున్నట్టు సమాచారం. ఇక తాజాగా మరో సీనియర్ బాలీవుడ్ హీరోయిన్ ఈ సినిమాలో నటించే అవకాశం ఉందని ప్రచారం జరుగుతోంది. కథ ప్రకారం, సెకండ్ హాఫ్‌లో వచ్చే ఈ పాత్ర సినిమాకు కీలకంగా ఉంటుందని, దీనికి బాలీవుడ్ టాప్ హీరోయిన్ కరీనా కపూర్‌ను ఎంపిక చేసే అవకాశం ఉందని టాక్ వినిపిస్తోంది. అయితే, దీనికి సంబంధించిన అధికారిక ప్రకటన ఇంకా వెలువడలేదు. కానీ ఈ వార్త ప్రస్తుతం సోషల్ మీడియాలో వైరల్ అవుతోంది.