Tollywood : ఘట్టమనేని ఫ్యామిలీ నుంచి మరో హీరో ఎంట్రీకి రెడీ!
ఈ వార్తాకథనం ఏంటి
టాలీవుడ్‌లో స్టార్ హీరోల వారసుల ఎంట్రీ కోసం సినీ అభిమానులు బాగా ఆసక్తిగా ఎదురు చూస్తున్నారు. ఈ క్రమంలో నందమూరి బాలకృష్ణ కుమారుడు మోక్షజ్ఞ, పవర్ స్టార్ పవన్ కళ్యాణ్ తనయుడు అకిరా నందన్ వెండితెరపై ఎప్పుడు కనిపిస్తారోనని ఫ్యాన్స్ ఉత్కంఠగా ఎదురుచూస్తున్నారు. అలాగే, సూపర్ స్టార్ మహేశ్ బాబు కుమారుడు గౌతమ్ అమెరికాలో చదువుతూ, నటనలో శిక్షణ పొందుతున్నాడు. ఈ నేపథ్యంలో మరో స్టార్ ఫ్యామిలీ వారసుడు టాలీవుడ్ ఎంట్రీకి సిద్ధమవుతున్నాడు. సూపర్ స్టార్ మహేశ్ బాబు అన్న ఘట్టమనేని రమేష్ గతంలో హీరోగా పలు చిత్రాల్లో నటించారు. ఇప్పుడు ఆయన కుమారుడు ఘట్టమనేని జయకృష్ణ హీరోగా తెలుగు సినిమా రంగంలోకి అడుగుపెట్టేందుకు రెడీ అవుతున్నాడు.
Details
యాక్షన్ లవ్ స్టోరీ నేపథ్యంలో మూవీ
జయకృష్ణ లాంచింగ్ బాధ్యతలు ప్రముఖ దర్శకుడు అజయ్ భూపతికు అప్పగించారు. 'RX 100', 'మహా సముద్రం', 'మంగళవారం' వంటి సినిమాలతో ప్రత్యేక గుర్తింపు తెచ్చుకున్న అజయ్ భూపతి దర్శకత్వంలో జయకృష్ణ తొలి సినిమా తెరకెక్కనుంది. ఇది యాక్షన్ లవ్ స్టోరీ నేపథ్యంలో రూపొందనుందని సమాచారం. ఈ చిత్రం నిర్మాణాన్ని టాలీవుడ్‌లో ప్రతిష్టాత్మక నిర్మాణ సంస్థ వైజయంతి మూవీస్ స్వాధీనం లోని అశ్వినీదత్ చేపట్టనున్నట్టు టాక్ వినిపిస్తోంది. మహేశ్ బాబు బావ సుధీర్ బాబు ఇప్పటికీ తన స్థిర స్థానాన్ని ఏర్పరచుకునే క్రమంలో స్ట్రగుల్ చేస్తుండగా, మేనల్లుడు అశోక్ గల్లా కూడా తన కెరీర్‌ను నెమ్మదిగా ముందుకు తీసుకెళ్తున్నాడు.
Details
మహేష్ బాబు మార్గదర్శకత్వంలో జయకృష్ణ అడుగులు
ఇప్పుడు మహేశ్ అన్న కుమారుడు జయకృష్ణ ఎంట్రీ ఇస్తుండగా అందుకు సంబంధించిన అన్ని వ్యవహారాలను మహేశ్ బాబు స్వయంగా చూసుకుంటున్నాడట. ఆయన మేనల్లుడికి గ్రాండ్ లాంచింగ్ ఇవ్వడమే లక్ష్యంగా ముందుకు సాగుతున్నాడు. త మార్గదర్శకత్వంలో జయకృష్ణ తొలి అడుగులు వేయనున్నాడు. టాలీవుడ్‌కు కొత్తగా వస్తున్న ఈ యువ హీరో జయకృష్ణకు విజయయాత్ర ప్రారంభం కావాలని అభిమానులు ఆకాంక్షిస్తున్నారు.