Jani Master: జానీ మాస్టర్‌కు మరో ఎదురుదెబ్బ
ఈ వార్తాకథనం ఏంటి
ప్రముఖ కొరియోగ్రాఫర్ జానీ మాస్టర్ ఇటీవల పలు వివాదాల్లో చిక్కుకున్న విషయం తెలిసిందే. కొరియోగ్రాఫర్ అసోసియేషన్ ఎన్నికలపై ఏర్పడిన వివాదం, భూ కొనుగోలు స్కామ్ ఆరోపణలు, అతనిపై వచ్చిన లైంగిక దాడి కేసు వంటి వివిధ అంశాలు ఆయన చుట్టూ కలకలం రేపుతున్నాయి. జానీ మాస్టర్ ప్రస్తుత కోరియోగ్రాఫర్ అసోసియేషన్ అధ్యక్షుడిగా కొనసాగుతున్నారు. ఎన్నికలపై ఆయనకు ఎలాంటి సమాచారం అందించకుండానే ప్రక్రియ కొనసాగిందట. అసోసియేషన్ నుంచి తనను తొలగించారనే తప్పుడు ప్రచారం జరుగుతోందని జానీ మాస్టర్ ఆరోపించారు.
Details
భూమి కొనుగోలు వ్యవహారంలో భారీ స్కామ్
జానీ మాస్టర్ శంకర్ పల్లిలో కోరియోగ్రాఫర్ అసోసియేషన్ కోసం 9 ఎకరాల భూమి కొనుగోలు వ్యవహారంలో భారీ స్కామ్ జరిగినట్లు ఆరోపించారు. కోట్ల రూపాయల అవకతవకలపై ప్రశ్నించినందుకే తనపై ఆరోపణలు వచ్చాయని ఆయన అన్నారు. అసోసియేషన్ కార్డుల జారీ విషయంలో కూడా పెద్ద ఎత్తున అక్రమాలు జరిగినట్లు ప్రచారం జరుగుతోంది. కొన్ని నెలల క్రితం జానీ మాస్టర్‌పై లైంగిక దాడి ఆరోపణల కేసు నమోదైంది. చంచల్ గూడ జైల్లో 36 రోజుల పాటు గడిపిన తర్వాత, హైకోర్టు బెయిల్ మంజూరు చేయడంతో ఆయన జైలు నుంచి విడుదలయ్యారు. ఈ కేసు కారణంగా అతని వ్యక్తిగత జీవితంపై తీవ్ర ప్రభావాన్ని చూపింది.
Details
స్పందించిన జానీ మాస్టర్
ఈ ఆరోపణలపై జానీ మాస్టర్ స్పష్టంగా స్పందించారు. అసోసియేషన్ ఎన్నికలు, స్కామ్ ఆరోపణలపై న్యాయస్థానాల్లో పోరాడతానని చెప్పారు. తనపై జరుగుతున్న కుట్రలను ఎత్తిచూపుతానని జానీ మాస్టర్ ధీమా వ్యక్తం చేశారు. ఈ వివాదాలు డ్యాన్సర్ అసోసియేషన్, కొరియోగ్రఫీ రంగంలో జరిగిన అవకతవకలపై దృష్టిని సారిస్తున్నాయి. జానీ మాస్టర్‌పై వచ్చిన ఆరోపణలు, ఆయనే చేసిన ఆరోపణలు సమాజంలో పెద్ద చర్చకు కారణమయ్యాయి. ఈ వివాదానికి న్యాయస్థానం ద్వారా పరిష్కారం దొరికేనా? అనేది వేచిచూడాల్సిన విషయం.