Arijit Singh: కొత్తతరం సంగీత సంచలనం అర్జిత్‌సింగ్‌.. 15ఏళ్ల సినీ ప్రయాణంలో లెక్కలేనన్ని పురస్కారాలు
ఈ వార్తాకథనం ఏంటి
కొత్త తరం సంగీత ప్రపంచానికి సంచలనం అర్జిత్ సింగ్. హిందీ, బెంగాళీ సహా అనేక భాషల్లో వందలాది పాటలు పాడి శ్రోతల మనసులు గెలుచుకున్న ఆ గొప్ప గాయకుడు తన ప్రతిభతో సంగీత ప్రపంచంలో ప్రత్యేక స్థానాన్ని సంపాదించారు.
ఆయన స్వరకర్తగానూ తన ప్రతిభను చాటుకున్నారు. 15 ఏళ్ల సినీ ప్రయాణంలో ఆయన అనేక పురస్కారాలను అందుకున్నారు.
భారత ప్రభుత్వం నుంచి రెండు సార్లు జాతీయ చలన చిత్ర పురస్కారాలను అందుకున్నారు. తాజాగా ఆయన ప్రతిభకు గుర్తింపుగా 'పద్మశ్రీ' పురస్కారం అందుకున్నారు.
వివరాలు
ఆషికి 2' చిత్రంలో పాడిన 'తుమ్ హి హో...', తో విశేషమైన గుర్తింపు
2011లో వచ్చిన 'మర్డర్ 2' చిత్రంలోని మిథున్ స్వరపరిచిన 'ఫిర్ మొహబ్బత్...' పాటతో హిందీ చిత్రసీమలో తన ప్రయాణాన్ని ప్రారంభించిన అర్జిత్, 'ఆషికి 2' చిత్రంలో పాడిన 'తుమ్ హి హో...', 'చాహున్ మై యా నా...' పాటలతో విశేషమైన గుర్తింపును పొందారు.
ఆ తర్వాత ఆయన వెనుదిరిగి చూడాల్సిన అవసరం లేదు.
అర్జిత్ హిందీ, బెంగాళీ, తెలుగు, తమిళం తదితర భాషల్లో అనేక సినిమాలకు పాటలు, అలాగే ప్రైవేట్ ఆల్బమ్ పాటలను పాడి ప్రేక్షకులను మైమరిపించారు.
తెలుగులో ఆయన పాడిన ముఖ్యమైన పాటల్లో 'మనం' చిత్రంలోని 'కనులను తాకే...', 'నా పేరు సూర్య నా ఇల్లు ఇండియా' చిత్రంలోని 'మాయ...' పాటలు ఉన్నాయి.
వివరాలు
'ఓం భీమ్ భుష్'లో 'అణువణువు...' పాట
అంతేకాదు, 'ఉయ్యాలా జంపాలా', 'కేశవ', 'దోచెయ్', 'రౌడీ ఫెలో', 'కేడీ', 'స్వామి రారా' వంటి చిత్రాలకు ఆయన గాత్రం అందించారు.
ఇటీవల విడుదలైన 'ఓం భీమ్ భుష్'లో 'అణువణువు...' అనే పాటను కూడా ఆయన ఆలపించారు.
1987లో పశ్చిమ బెంగాల్‌లోని జియాగంజ్‌లో జన్మించిన అర్జిత్ సింగ్, ఓ రియాలిటీ షోలో పాల్గొని చిత్రసీమలోకి అడుగుపెట్టారు.
ఆయన గాత్రం, ప్రతిభతో సంగీత ప్రపంచాన్ని అలరిస్తూ నేటికీ కొనసాగుతున్నారు.