ఓటీటీ రివ్యూ: అర్థమయ్యిందా అరుణ్ కుమార్ వెబ్ సిరీస్ ఆకట్టుకుందా?
ఈ వార్తాకథనం ఏంటి
ప్రముఖ తెలుగు ఓటీటీ ఫ్లాట్ ఫామ్ ఆహాలోకి అర్థమయ్యిందా అరుణ్ కుమార్ టైటిల్ తో వెబ్ సిరీస్ ఈరోజు విడుదలైంది.
హర్షిత్ రెడ్డి, అనన్య, తేజస్వి మదివాడ ప్రధాన పాత్రల్లో కనిపించిన ఈ సిరీస్ ఎలా ఉందో చూద్దాం.
కథ:
అమలాపురంలో ఉండే అరుణ్ కుమార్(హర్షిత్ రెడ్డి) కు ఆశలు ఎక్కువ. సిటీ వెళ్ళి జాబ్ చేసి మంచి పొజిషన్ లో స్థిరపడాలని అనుకుంటాడు. ఆ ఇంట్రెస్ట్ తోనే తండ్రి వద్దని చెప్పినా హైదరాబాద్ లోని ఓ కార్పోరేట్ కంపెనీలో ఇంటర్న్ గా చేరతాడు.
ఆఫీసులో టీమ్ లీడర్ జై(ప్రవీణ్), అరుణ్ కుమార్ ని ఇబ్బంది పెడుతుంటాడు. అది భరించలేక మరో టీమ్ లీడర్ షాలిని(తేజస్వి మదివాడ) టీమ్ లోకి వెళ్ళిపోతాడు అరుణ్.
Details
సిటీలో జాబ్ చేసే వారికి నచ్చే అరుణ్ కుమార్
షాలినితో అరుణ్ కుమార్ చాలా సాన్నిహిత్యంగా ఉంటాడు. అలా ఉండటం పల్లవి(అనన్య)కు నచ్చదు. ఎందుకంటే అరుణ్ కుమార్ ను అనన్య ఇష్టపడుతూ ఉంటుంది. వీళ్ళిద్దరి నడుమ అరుణ్ పరిస్థితి ఏమయ్యిందన్నదే కథ.
పల్లెటూరి నుండి సిటీకి జాబ్ చేయడం కోసం వచ్చిన వారికి ఈ సినిమా బాగా కనెక్ట్ అవుతుంది. కార్పోరేట్ ఆఫీసుల్లో రాజకీయాలు భరించలేక ఇంటికి తిరిగి వెళ్ళిపోవాలనిపించడం, అమ్మకు బాగోలేకపోతే కూడా సెలవు దొరక్కపోవడం వంటి సీన్లు బాగా కనెక్ట్ అవుతాయి.
కాకపోతే ఈ సిరీస్ లో అరుణ్ కుమార్, పల్లవి మధ్య లవ్ ట్రాక్ ని సరిగ్గా చూపించలేదు. వారిద్దరి మధ్య మంచి బాండింగ్ ఉన్నట్టు చూపించకపోవడంతో, పల్లవి జాబ్ మానేసి వెళ్ళిపోతుందన్న టైమ్ లో ఫీల్ రాదు.
Details
ప్రధాన పాత్రల మధ్య మిస్సయిన లవ్ ఎమోషన్
తేజస్వి మదివాడ అందంగా కనిపించింది. ఆఫీసుల్లో పడే ఇబ్బందులను బాగానే చూపించినప్పటికీ కొన్ని చోట్ల మరీ ఓవర్ గా చూపించారేమో అనిపిస్తుంది.
హీరో పాత్ర స్వభావం సరిగ్గా అర్థం కాకపోవడం కూడా ఒక ప్రధాన సమస్య. హీరో పాత్ర ఒక్కో సమయంలో ఒక్కోలా ఉంటాడు. దానివల్ల కనెక్టివిటీ మిస్ అయినట్లుగా అనిపిస్తుంది.
ఇక టెక్నికల్ విషయాలకు వస్తే అజయ్ అరసాడ అందించిన సంగీతం బాగుంది. అమర్ దీప్ కెమెరా పనితనం అందరికీ నచ్చుతుంది.
సిరీస్ లో 5ఎపిసోడ్లు మాత్రమే ఉన్నాయి, కాకపోతే మరో సీజన్ ఉంటుందని చూపించారు. ప్రధాన పాత్రల మధ్య లవ్ ఎమోషన్ ని డైరెక్టర్ జొనాథన్ ఎడ్వర్డ్ బాగా పండించి ఉంటే సిరీస్ మరింత కనెక్ట్ అయ్యేది.