ఓటీటీలోకి వచ్చేస్తున్న హిడింబ: స్ట్రీమింగ్ ఎక్కడంటే?
ఈ వార్తాకథనం ఏంటి
అశ్విన్ బాబు, నందితా శ్వేత జంటగా నటించిన హిడింబ చిత్రం, జులై 20వ తేదీన ప్రేక్షకుల ముందుకు వచ్చింది.
ఈ సినిమాలో పోలీస్ ఆఫీసర్ గా అశ్విన్ బాబు కనిపించాడు. హీరోయిన్ గా కనిపించిన నందితా శ్వేత, ఐపీఎస్ ఆఫీసర్ గా ఆకట్టుకుంది.
థియేటర్లలో పెద్దగా ఆకట్టుకోలేని ఈ సినిమా, ఓటీటీ ప్రేక్షకులను పలకరించడానికి సిద్ధం అవుతోంది. నరమాంస భక్షకుల కాన్సెప్ట్ తో వచ్చిన ఈ సినిమా, ఆగస్టు 10వ తేదీ నుండి ఆహాలో స్ట్రీమింగ్ కానుంది.
అనిల్ కన్నెగంటి దర్శకత్వం వహించిన ఈ సినిమాను, గంగపట్నం శ్రీధర్ నిర్మించారు.
Details
మైనస్ గా మారిన రక్తపాతం
హిడింబ సినిమాకు ప్రేక్షకుల నుండి పాజిటివ్ టాక్ వచ్చింది. కానీ సినిమాలో హింస, రక్తపాతం మరీ ఎక్కువైపోయిందని ఎక్కువశాతం ప్రేక్షకులు అభిప్రాయ పడ్డారు.
ముఖ్యంగా నరమాంస భక్షకుల ఎపిసోడ్, ఒళ్ళు గగుర్పొడిచే విధంగా ఉందని అన్నారు. అయితే సినిమాలోని ఆసక్తికరమైన ఎపిసోడ్ కూడా అదేనని తమ అభిప్రాయాలను పంచుకున్నారు.
మొత్తానికి హిడింబ సినిమాలో ఏదైతే ఆసక్తిగా ఉందో అదే మైనస్ గా మారిందన్నమాట.
శ్రీనివాస్ రెడ్డి, మకరంద్ దేశ్ పాండే, రాజీవ్ కనకాల, శుభలేఖ సుధాకర్, రఘు కుంచె ప్రధాన పాత్రల్లో కనిపించిన ఈ సినిమాకు వికాస్ బాడిస సంగీతాన్ని సమకూర్చారు.