Balakrishna: బాలకృష్ణ 'స్క్విడ్‌గేమ్‌' ఆడితే.. ఏఐ వీడియో వైర‌ల్
ఈ వార్తాకథనం ఏంటి
ప్రపంచవ్యాప్తంగా ఓటీటీ ప్రేక్షకులను మెస్మరైజ్‌ చేసిన వెబ్‌సిరీస్‌ 'స్క్విడ్‌ గేమ్‌' (Squid Game). మూడు భాగాలుగా ప్రేక్షకుల ముందుకు వచ్చిన ఈ సిరీస్‌ వినోదంతో పాటు థ్రిల్‌ను అందించిందని చెప్పవచ్చు. ఇప్పుడు మన దేశ సినీతారలు ఈ 'స్క్విడ్‌ గేమ్‌' ఆడితే ఎలా ఉంటుందో ఊహించి, తమిళ, తెలుగు నటులను ఏఐ (AI) సాయంతో సృష్టించి, ఆ వీడియోలను సోషల్‌మీడియా వేదికలపై పంచుకుంటున్నారు. తాజాగా ఈ జాబితాలో టాలీవుడ్‌ అగ్రహీరో నందమూరి బాలకృష్ణ, నటి అనసూయ, నటుడు రాజీవ్ కనకాలల పేర్లు చేరాయి. 'స్క్విడ్‌ గేమ్‌1'లో ఉన్న 'ది మ్యాన్‌ విత్‌ ది అంబ్రెల్లా' అనే ఎపిసోడ్‌ను ఆధారంగా చేసుకుని తాజా వీడియోను రూపొందించారు.
వివరాలు
రాజీవ్ కనకాలను ఎత్తుకెళ్లిన నిర్వాహకులు
ఇందులో వివిధ ఆకారాల్లో ఉండే స్వీట్‌ను కోట్‌గా తయారు చేసి, దాన్ని విరగకుండా ఆ ఆకారాన్ని బయటకు తీసే ప్రయత్నంలో ఆటగాళ్లు పాల్గొంటారు. ఈ క్రమంలో అనసూయ తనకు వచ్చిన త్రిభుజాకారాన్ని సులభంగా బయటకు తీసేయగా, నటుడు రాజీవ్ కనకాల మాత్రం ఆ టాస్క్‌లో విఫలమయ్యారు. అందువల్ల ఆయన్ను ఎత్తుకెళ్లినట్లు చూపించారు. ఇక బాలకృష్ణ ప్రయత్నించినా తన ఆకారాన్ని బయటకు తీయలేకపోయారు. కోపంతో ఉన్న స్వీట్‌ను ఆయన తినేయడంతో గేమ్‌ నిర్వాహకులు ఆయన్ని పట్టుకునేందుకు దూసుకెళ్లారు.
వివరాలు
ఎన్టీఆర్‌ వాయిస్‌ లో 'జై బాలయ్య'
కానీ అక్కడ బాలయ్యబాబు తన స్టైల్లో వారందరినీ చితకబాదే సన్నివేశాలను చూపిస్తూ, వీడియో రూపొందించారు. చివర్లో 'జై బాలయ్య' అంటూ ఎన్టీఆర్‌ వాయిస్‌ వినిపించే నినాదం వినోదాన్ని మరింత పెంచుతోంది. అంతేగాక, 'స్క్విడ్‌ గేమ్‌'లో హీరో నంబర్‌ 456గా ఉండే పాత్రను ఈ ఏఐ వీడియోలో బాలకృష్ణను ప్లేయర్‌ నెం.456గా చూపించారు. మిగతా ప్రేక్షకులతో పాటు మీరు కూడా ఈ సరదా వీడియోను చూసి ఆనందించవచ్చు.
ట్విట్టర్ పోస్ట్ చేయండి
బాలకృష్ణ ఏఐ వీడియో వైర‌ల్
— Out of Context Telugu (@OutOfContextTel) July 17, 2025