Unstoppable Promo: అన్‍స్టాపబుల్ షోలో.. సందడి చేసిన 'డాకు మహారాజ్' టీం
ఈ వార్తాకథనం ఏంటి
డాకు మహారాజ్ సినిమా, సినిమా సెట్లో ఉంటే విజృంభణ, అదే షో వాకిట్లో ఉంటే నవ్వుల ఉప్పెన అని చెప్పే విధంగా కొత్త ప్రోమో విడుదలైంది. అన్‍స్టాపబుల్ 4 సీజన్‌లో ఇప్పటి వరకు విడుదలైన ఏడు ఎపిసోడ్స్ బజ్ క్రియేట్ చేసిన తరువాత, ఎనిమిదో ఎపిసోడ్ ప్రోమో మరింత ఆకర్షణీయంగా వచ్చింది. డాకు మహారాజ్ చిత్ర యూనిట్ ఈ ఎపిసోడ్‌లో పాల్గొని హంగామా చేశారు. ముఖ్యంగా,బాలయ్య హోస్ట్ చేస్తున్న షోలో ఆయన హీరోగా నటించిన సినిమాకు ప్రమోషన్స్ చేయడం విశేషం. షోకు దర్శకుడు బాబీ,నిర్మాత నాగవంశీ,సంగీత దర్శకుడు తమన్ అతిథులుగా హాజరయ్యారు. వీరితో బాలయ్య చేసిన సందడి ప్రేక్షకులను ఆకట్టుకుంది.
వివరాలు
"డైరెక్టర్ గారు చొక్కా మీద చొక్కా వేసారా?"
"డైరెక్టర్ గారు చొక్కా మీద చొక్కా వేసారా?" అంటూ బాబీని ఆట పట్టించగా, నిర్మాత నాగవంశీని రష్మిక టాలీవుడ్ హీరో పెళ్లి గురించి ప్రశ్నించడం వినోదాన్ని పెంచింది. రష్మిక పెళ్లి టాలీవుడ్ హీరోతో అనగానే అందరికీ విజయ్ దేవరకొండ గుర్తుకు వస్తారు. ఈ జంటపై ప్రేమ రూమర్స్ కొంతకాలంగా బలంగా వినిపిస్తున్నాయి. వీరిద్దరూ ఇటీవల ముంబై విమానాశ్రయంలో కలిసి కనిపించిన ఫోటోలు వైరల్ అయ్యాయి. క్రిస్మస్, న్యూ ఇయర్ రోజులు కలిసి సెలబ్రేట్ చేసినట్టు కూడా వార్తలు వచ్చాయి. తాజా ఎపిసోడ్‌లో బాలయ్య నాగవంశీతో మాట్లాడిన విషయాల వల్ల రష్మిక-విజయ్ పెళ్లి ఫిక్స్ అయినట్టు భావిస్తున్నారు.
వివరాలు
రష్మిక-విజయ్ జంటపై రూమర్స్
ప్రస్తుతం విజయ్ దేవరకొండ డైరెక్టర్ గౌతమ్ తిన్ననూరితో VD 12 సినిమా చేస్తున్నాడు, దీనికి నిర్మాత నాగవంశీ కావడంతో ఈ పెళ్లి ప్రశ్న అతనితో పంచుకున్నట్టు అనిపిస్తోంది. అయితే, రష్మిక-విజయ్ జంట తమపై వస్తోన్న రూమర్స్ గురించి ఇప్పటివరకు స్పందించకపోవడం గమనార్హం. ఈ ఎపిసోడ్‌లో తమన్ తన ఇంటర్నేషనల్ ప్రాజెక్ట్స్ గురించి చెప్పగా, బాలయ్య ఆసక్తిగా చర్చించారు. ఈ ఫుల్ ఎపిసోడ్ జనవరి 3, శుక్రవారం సాయంత్రం 7 గంటలకు ఆహాలో ప్రసారమవుతుంది. ఇదే సమయంలో, డాకు మహారాజ్ సినిమా జనవరి 12న విడుదల కానుంది. ప్రగ్యా జైస్వాల్, శ్రద్ధ శ్రీనాథ్ హీరోయిన్స్‌గా నటిస్తుండగా, బాబీ డియోల్ విలన్ పాత్రలో కనిపించనున్నారు.