Balakrishna : దసరా రోజు సూపర్ హీరోగా బాలకృష్ణ.. ఐశ్వర్య రాయ్ హీరోయిన్ గా..?
బాలకృష్ణ గత కొన్నాళ్లుగా ఫుల్ ఫామ్ లో ఉన్నారు. బ్యాక్ టు బ్యాక్ మూడు సినిమాలు విడుదల చేసి 100 కోట్ల రూపాయల హిట్ సాధించారు. మరోవైపు, ఆహా ఓటీటీలో అయన అన్‌స్టాపబుల్ షో కూడా బాగా పాపులర్ అయింది. హిందూపూర్ లో మూడోసారి ఎమ్మెల్యేగా గెలిచి హ్యాట్రిక్ గెలుపు సాధించిన బాలయ్య, ఈ స్థాయిలో ఉన్నందున అభిమానులు ఎంతో ఆనందంగా ఉన్నారు. అయితే, గత మూడు రోజులుగా టాలీవుడ్‌లో ఒక ఆసక్తికరమైన వార్త వైరల్ అవుతోంది.
రేపు గ్రాండ్ ప్రెస్ మీట్ ఏర్పాటు
బాలకృష్ణ సూపర్ హీరోగా భారీ స్థాయిలో ఒక సినిమా వస్తుందని సమాచారం. దసరా సందర్భంగా ఈ చిత్రానికి సంబంధించిన అప్డేట్ అక్టోబర్ 12న విడుదల కానుంది. బాలయ్య కొత్త మాస్ సూపర్ హీరో పాత్రలో కనిపిస్తారని, ఐశ్వర్య రాయ్ హీరోయిన్‌గా ఉండే అవకాశం ఉందని ప్రచారం జరుగుతోంది. దీంతో ఈ వార్త వైరల్ గా మారింది. ఇందుకు సంబంధించి రేపు ఒక గ్రాండ్ ప్రెస్ మీట్ ఏర్పాటు చేసి, బాలయ్యని సరికొత్తగా ఆవిష్కరించబోతున్నారని సమాచారం. ఈ పాత్ర టాలీవుడ్ లోనే కాకుండా,భారతీయ సినిమా రంగంలో కూడా కొత్త సెన్సేషన్ సృష్టించవచ్చని అభిప్రాయాలు వ్యక్తం అవుతున్నాయి. దీంతో, బాలయ్య అభిమానులు ఈ అప్డేట్ కోసం ఆసక్తిగా ఎదురుచూస్తున్నారు.
