Mokshagna: డిసెంబర్ మూడో వారం నుంచి మోక్షజ్ఞ సినిమా రెగ్యులర్ షూటింగ్
నందమూరి బాలకృష్ణ వరుసగా సినిమాలు, టాక్ షోలతో దూసుకుపోతున్నాడు. ఇటీవల అయన సినీ పరిశ్రమలో 50 సంవత్సరాలు పూర్తి చేసుకున్నాడు. ఈ నేపథ్యంలో, బాలకృష్ణ వారసుడు నందమూరి మోక్షజ్ఞ ఎంట్రీ కోసం ప్రేక్షకులు, అభిమానులు, టాలీవుడ్ అంతా ఎంతో ఆసక్తిగా ఎదురు చూస్తున్నారు. ఒకపక్క , మెగాస్టార్ చిరంజీవి తనయుడు రామ్ చరణ్, స్టార్ హీరోగా మారడం చాలా త్వరగా జరిగింది. అక్కినేని నాగార్జున వారసులు నాగ చైతన్య, అఖిల్ కూడా హీరోలుగా టాలీవుడ్‌లో మంచి స్థానం సంపాదించుకున్నారు. ఈ నేపథ్యంలో, బాలకృష్ణ తన కొడుకు మోక్షజ్ఞ ఎంట్రీ ఎప్పుడు ఉంటుందా అని ఎంతో కాలంగా చర్చ జరుగుతోంది.
సినిమా ఫస్ట్ లుక్ విడుదల
మోక్షజ్ఞ ఎంట్రీ కోసం ఎంతో కాలం ఎదురు చూస్తున్న అభిమానులకు ఆనందాన్ని కలిగించడానికి, ఇప్పుడు ఈ ఎంట్రీ ఖరారు అయింది. హను-మాన్ సినిమాకు దర్శకుడు ప్రశాంత్ వర్మ దర్శకత్వంలో మోక్షజ్ఞ ఎంట్రీ ఇవ్వబోతున్నాడు. మోక్షజ్ఞ పుట్టిన రోజు సందర్భంగా, ఈ రోజు సినిమా ఫస్ట్ లుక్ విడుదల అయ్యింది. క్యూట్ లుక్ లో, సింపుల్ గా నడుస్తూ చిన్న సింహం మాదిరి కనిపించిన మోక్షజ్ఞ లుక్ అభిమానులను ఆకట్టుకుంది. ఈ చిత్రం పురాణ ఇతిహాసాల నేపథ్యంలో సాగుతుందని సమాచారం. ఎస్ ఎల్ వీ బ్యానర్ పై, సుధాకర్ చెరుకూరి, బాలయ్య చిన్న కుమార్తె మతుకుమిల్లి తేజస్విని సంయుక్తంగా ఈ చిత్రాన్ని నిర్మించనున్నారు.
మోక్షజ్ఞ సరసన శ్రీదేవి చిన్న కూతురు ఖుషీ కపూర్
బాలయ్య తన కొడుకు సినిమా పనులను స్వయంగా పరిశీలిస్తున్నారు. డిసెంబర్ మూడవ వారంలో ఈ సినిమా రెగ్యులర్ షూటింగ్ ప్రారంభం అవుతుంది. బాలయ్య ఇటీవల స్క్రిప్ట్ విని, చాలా బాగా నచ్చిందని చెప్పినట్లు సమాచారం.ముఖ్యంగా సోషియో-ఫాంటసీ ఎలిమెంట్స్ మోక్షజ్ఞ క్యారెక్టర్ ఎలివేషన్స్ కూడా బాలకృష్ణకు నచ్చాయని చెప్తున్నారు. ఈ సినిమా చిత్రీకరణ కోసం ప్రశాంత్ వర్మ హైదరాబాద్ పరిసరాల్లో ప్రత్యేక సెట్లు సిద్ధం చేస్తున్నారని తెలుస్తోంది. ఈ ప్రాజెక్ట్ కూడా ప్రశాంత్ వర్మ సూపర్ హీరో సినిమాటిక్ యూనివర్స్ లో భాగం అవుతుంది.అలాగే, మోక్షజ్ఞ సరసన అటు శ్రీదేవి చిన్న కూతురు ఖుషీ కపూర్ నటిస్తున్నారని వార్తలు వైరల్ అయ్యాయి. ఈ ప్రాజెక్ట్ పై టాలీవుడ్ అభిమానులు మరింత ఆసక్తిగా ఎదురు చూస్తున్నారు.
