బెదురులంక 2012 రివ్యూ: యుగాంతం చుట్టూ తిరిగే కథ ప్రేక్షకులను మెప్పించిందా?
ఈ వార్తాకథనం ఏంటి
నటీనటులు: కార్తికేయ, నేహా శెట్టి, అజయ్ ఘోష్, శ్రీకాంత్ అయ్యంగార్, రాజ్ కుమార్ కసిరెడ్డి తదితరులు
దర్శకత్వం: క్లాక్స్
నిర్మాణం: లౌక్య ఎంటర్ టైన్మెంట్స్
సంగీతం: మణిశర్మ
కథ:
ఈ సినిమా కథ 2012నాటి కాలంలో బెదురులంక అనే గ్రామంలో జరుగుతుంది. గ్రాఫిక్ డిజైనర్ గా పనిచేసే శివ(కార్తికేయ) సిటీ నుండి ఊరికి వస్తాడు. యుగాంతం జరగబోతుందని ఊరి జనాలందరూ భయపడతారు.
ఆ భయాన్ని క్యాష్ చేసుకోవాలని అదే ఊరిలోని భూషణం(అజయ్ ఘోష్) అనుకుని దానికి బ్రహ్మ(శ్రీకాంత్ అయ్యంగార్), చర్చి ఫాదర్ కొడుకు డేనియల్(ఆటో రామ్ ప్రసాద్) సాయం తీసుకుంటాడు.
ఈ ముగ్గురూ కలిసి ఊరి వాళ్ళను ఎలా దోచుకోవాలనుకున్నారు. వీరి నుండి ఊరి జనాలను కాపాడటానికి శివ ఏం చేసాడనేదే కథ
Details
సినిమా ఎలా ఉందంటే?
సినిమా మొదలు కావడమే యుగాంతం వార్తతో మొదలవుతుంది. యుగాంతం వార్తల వల్ల ఆ ఊరిలో జరిగే అల్లరిని చక్కగా చూపించారు. ఫస్టాఫ్ మొత్తం కొన్ని కామెడీ సీన్లు, కొంత లవ్ ట్రాక్ తో సాగిపోయింది.
లవ్ ట్రాక్ రెగ్యులర్ గానే ఉన్నప్పటికీ యుగాంతం ఆధారంగా అల్లుకున్న సీన్లు బాగున్నాయి. ఇక సెకండాఫ్ లో సత్య, వెన్నెల కిషోర్ ల కామెడీ సినిమాను ఎంతో సేవ్ చేసింది.
క్లైమాక్స్ లో దర్శకుడు చాలా నవ్వించాడు. కామెడీ మిస్ కానీయకుండా సినిమా మొత్తాన్ని హాయిగా తీసుకెళ్ళాడు. ఎక్కడా కూడా బోర్ కొట్టించకుండా సాగుతుంది. కార్తికేయ, నేహా శెట్టి మధ్య లవ్ ట్రాక్ అంత గొప్పగా లేదని చెప్పవచ్చు.
Details
ఎవరెలా చేసారంటే?
కార్తికేయ చాలా సులభంగా చేసుకుంటూ వెళ్ళిపోయాడు. నేహాశెట్టి పాత్ర పరిధి తక్కువగా ఉన్నా కూడా తన పరిధిలో ఆకట్టుకుంది.
అజయ్ ఘోష్, శ్రీకాంత్ అయ్యంగార్, రామ్ ప్రసాద్, రాజ్ కుమార్ కసిరెడ్డిల మధ్య వచ్చే సీన్లు చాలా కొత్తగా ఉన్నాయి. వీరందరూ కూడా తమ పాత్రల్లో చక్కగా నటించారు.
సత్య, వెన్నెల కిషోర్ సెకండాఫ్ లో హైలైట్ గా నిలుస్తారు. మణిశర్మ అందించిన నేపథ్య సంగీతం బాగుంది. పాటలు ఫర్వాలేదనిపించాయి. కొత్త దర్శకుడు క్లాక్స్ తాను చెప్పాలనుకున్న పాయింట్ ని మంచి ఎంటర్ టైనింగ్ గా చెప్పడంలో సక్సెస్ అయ్యాడు.
ఓవరాల్ గా చూస్తే బెదురులంక 2012 సినిమాను హాయిగా ఎంజాయ్ చేయవచ్చు.