భగవంత్ కేసరిగా బాలయ్య: ఊచకోత కోయడానికి అన్న దిగిండు
బాలకృష్ణ, అనిల్ రావిపూడి కాంబినేషన్ లో తెరకెక్కుతున్న సినిమాకు భగవంత్ కేసరి అనే టైటిల్ ని ఫిక్స్ చేసారు. ఈ మేరకు చిత్ర నిర్మాణ సంస్థ అధికారికంగా ప్రకటించింది. బాలకృష్ణ పుట్టినరోజుకు రెండు రోజుల ముందుగానే టైటిల్ ని రివీల్ చేసారు. అయితే భగవంత్ కేసరి విడుదల తేదీని మాత్రం వెల్లడి చేయలేదు. దసరా కానుకగా రిలీజ్ అవుతుందని తెలియజేసారే కానీ తేదీని మాత్రం బయటపెట్టలేదు. మరి విడుదల తేదీని ఎప్పుడు ప్రకటిస్తారో చూడాలి. భగవంత్ కేసరి సినిమాలో కాజల్ అగర్వాల్ హీరోయిన్ గా కనిపిస్తోంది. హీరోయిన్ శ్రీలీల, కీలక పాత్రలో నటిస్తోంది. బాలీవుడ్ నటుడు అర్జున్ రాంపాల్ విలన్ గా చేస్తున్న ఈ సినిమాకు సంగీతాన్ని థమన్ అందిస్తున్నాడు.
