భగవంత్ కేసరి: విడుదలైన వారం తర్వాత ఆ సాంగ్ యాడ్ చేస్తామంటున్న దర్శకుడు.. కారణమేంటంటే?
ఈ మధ్య బాలకృష్ణ నుండి వస్తున్న సినిమాలు ఎక్కువగా ఈ యాక్షన్ ప్రదానాంశంగా ఉంటున్నాయి. డైలాగులు, యాక్షన్ ప్రధాన వస్తువులుగా చాలా సినిమాలు వచ్చాయి. అయితే ప్రస్తుతం బాలకృష్ణ నుండి రాబోతున్న భగవంత్ కేసరి చిత్రం కొత్తగా ఉండబోతుందని దర్శకుడు అనిల్ రావిపూడి తెలియజేస్తున్నారు. బాలకృష్ణను కొత్తరకంగా భగవంత్ కేసరి సినిమాలో చూడబోతున్నామని, అది ప్రేక్షకులకు నచ్చుతుందని అనిల్ రావిపూడి అన్నారు. ఇటీవల భగవంత్ కేసరి చిత్ర ప్రమోషన్లలో మాట్లాడిన దర్శకుడు అనిల్ రావిపూడి పైన పేర్కొన్న మాటలను చెప్పుకొచ్చారు. అలాగే భగవంత్ కేసరి సినిమాలో డ్యూయెట్ సాంగ్ గురించి ఒకానొక విషయాన్ని దర్శకుడు వెల్లడి చేశారు.
వారం తర్వాత పాటను యాడ్ చేయనున్న మేకర్స్
భగవంత్ కేసరి సినిమాలో ఒక డ్యూయెట్ సాంగ్ ఉంటుందని, కాకపోతే ఆ పాటను సినిమా విడుదలైన వారం రోజుల తర్వాత యాడ్ చేస్తామని అనిల్ రావిపూడి తెలియజేశారు. సినిమా కథను ప్రాపర్ గా చెప్పాలనుకున్నామని, అందుకే మధ్యలో పాటల వల్ల కథకు ఇబ్బంది కలగకూడదనే ఉద్దేశంతోనే డ్యుయట్ సాంగ్ ను పక్కన పెట్టేసామని, వారం రోజుల తర్వాత బాలయ్య అభిమానుల కోసం ఆ పాటను యాడ్ చేస్తున్నామని అనిల్ రావిపూడి అన్నారు. భగవంత్ కేసరి సినిమాలో గిరిజన హక్కుల కోసం పోరాడే నాయకుడిగా బాలయ్య కనిపించబోతున్నారని సమాచారం. కాజల్ అగర్వాల్, శ్రీలీల నటిస్తున్న భగవంత్ కేసరి సినిమా అక్టోబర్ 19వ తేదీన ప్రపంచవ్యాప్తంగా థియేటర్లలో రిలీజ్ అవుతుంది.
