భోళాశంకర్ ట్విట్టర్ రివ్యూ: మెహెర్ రమేష్ కు ఈసారైనా హిట్ దక్కిందా?
మెగాస్టార్ చిరంజీవి హీరోగా తెరకెక్కిన భోళాశంకర్ సినిమా ఈరోజు థియేటర్లలో రిలీజైంది. తమన్నా, కీర్తి సురేష్ హీరోయిన్లుగా కనిపించిన ఈ సినిమా ప్రీమియర్లు ఆల్రెడీ పడిపోయాయి. భోళాశంకర్ సినిమాను చూసిన ప్రేక్షకులు తమ అభిప్రాయాలను ఇంటర్నెట్ లో పంచుకుంటున్నారు. సినిమా చూసినవాళ్ళు ఏం చెబుతున్నారంటే, భోళాశంకర్ సినిమా ఫస్టాఫ్ సాగిపోతుందనీ, సెకండాఫ్ లోనే అన్ని ఎమోషనల్ అంశాలు ఉన్నాయని అంటున్నారు. సెకండాఫ్ లో ఎంటర్ టైన్మెంట్ అంశాలు ఎక్కువగా ఉన్నాయని చెబుతున్నారు. చిరంజీవి లుక్స్ అదిరిపోయాయని నెటిజన్లు కామెంట్లు చేస్తున్నారు. మ్యూజిక్ ఫర్వాలేదని, పాటలు ఇంకా బాగుంటే అదిరిపోయేదని అంటున్నారు.
సెకండాఫ్ లో జబర్దస్త్ యాక్టర్లు
సెకండాఫ్ లో జబర్దస్త్ యాక్టర్స్ ఎక్కువగా కనిపించారని కొందరు నెటిజన్లు కామెంట్లు చేస్తున్నారు. ఒరిజినల్ వేదాళం సినిమాకు ఈ సినిమాకు చాలా మార్పులు కనిపించాయని చెబుతున్నారు. అయితే కొన్ని సీన్లలో కామెడీ పండలేదని సోషల్ మీడియాలో కామెంట్లు వస్తున్నాయి. ఓవరాల్ గా చూసుకుంటే భోళాశంకర్ సినిమాకు మిశ్రమ స్పందన వస్తోంది. అభిమానులు సినిమాను బాగానే ఎంజాయ్ చేస్తారని కొంతమంది చెబుతున్నప్పటికీ కొన్ని సీన్లు సినిమాలోని ప్రధాన అంశాలకు అడ్డుగా తగిలాయని చెబుతున్నారు. ఏకే ఎంటర్ టైన్మెంట్స్ బ్యానర్ లో రూపొందిన ఈ సినిమాను రామబ్రహ్మం సుంకర నిర్మించారు. మహతి స్వర సాగర్ సంగీతం అందించారు.
