బిచ్చగాడు 2 ఓటీటీ రిలీజ్ డేట్ ఫిక్స్: స్ట్రీమింగ్ ఎక్కడంటే?
విజయ్ ఆంటోనీ హీరోగా నటిస్తూ దర్శకత్వం వహించిన బిచ్చగాడు 2 సినిమా ఓటీటీలోకి వచ్చేందుకు సిద్ధమవుతోంది. డిస్నీ ప్లస్ హాట్ స్టార్ వేదికగా జూన్ 18వ తేదీ నుండి తెలుగు, తమిళం భాషల్లో అందుబాటులో ఉండనుందని అధికారిక ప్రకటన వచ్చింది. థియేటర్లలో మే 19వ తేదీన రిలీజైన బిచ్చగాడు 2, కమర్షియల్ గా మంచి వసూళ్ళు అందుకుని నిర్మాతకు లాభాలకు మిగిల్చిందని సమాచారం. బిచ్చగాడు మొదటి భాగానికి ఎలాంటి సంబంధం లేకుండా రెండవ భాగాన్ని తెరకెక్కించారు. అతి త్వరలో బిచ్చగాడు మూడవ భాగం కూడా వస్తుందని విజయ్ ఆంటోనీ వెల్లడి చేసారు.
బిచ్చగాడు 2 కథ ఏంటంటే?
అత్యంత ధనవంతుడైన వ్యాపారస్తుడు విజయ్ గురుమూర్తిని (విజయ్ ఆంటోనీ) మోసం చేసి ఆస్తిని కొట్టేయాలని అతని ఫ్రెండ్ అరవింద్(దేవ్ గిల్) అనుకుంటాడు. అందుకోసం విజయ్ గురుమూర్తి మెదడును మారుద్దామని విజయ్ గురుమూర్తి రూపంలో ఉన్న సత్య అనే బిచ్చగాడిని కలుసుకుంటాడు. 140కోట్లు ఖర్చు చేసి బిచ్చగాడి మెదడును విజయ్ గురుమూర్తికి అమర్చుతాడు. ఆ తర్వాత ఎలాంటి పరిణామాలు జరిగాయి? సత్య పరిస్థితి ఏమైంది అనేదే కథ. బిచ్చగాడు 2 సినిమాలో కావ్యా థాపర్ హీరోయిన్ గా కనిపించింది. రాధారవి, మన్సూర్ అలీఖాన్, వైజీ మహేంద్రన్ ప్రధాన పాత్రల్లో నటించారు. అదలా ఉంచితే, విజయ్ ఆంటోనీ కొత్త సినిమా విక్రమ్ రాథోడ్, తెలుగు ప్రేక్షకులను పలకరించడానికి రెడీ అవుతోంది.
