అమితాబ్ బచ్చన్, ధర్మేంద్ర ఇళ్ళలో బాంబ్ భయం
బాలీవుడ్ సీనియర్ హీరోలైన అమితాబ్ బచ్చన్, ధర్మేంద్ర ఇళ్ళలో బాంబ్ ఉందని మహారాష్ట్ర లోని నాగ్ పూర్ పోలీసులకు కాల్ వచ్చింది. దాంతో వెంటనే ముంబై పోలీసులను అలెర్ట్ చేసారు. ఆ తర్వాత ముంబై పోలీసులు, జుహూ బీచ్ లో ఉన్న అమితాబ్ బచ్చన్, ధర్మేంద్ర ఇళ్ళకు బాంబ్ స్క్వాడ్ తో చేరుకుని మొత్తం పరిశీలించారు. చివరకు తేలిందేంటంటే, ఇద్దరి ఇళ్ళల్లోనూ బాంబ్ తాలూకు ఎలాంటి అవశేషాలు లేవని కనుకున్నారు. ప్రస్తుతం, బాంబ్ ఉందని బెదిరింపు కాల్ ఎక్కడి నుండి వచ్చిందనే విషయమై విచారణ కొనసాగిస్తున్నారు పోలీసులు. ఆ కాల్ ఎవరు చేసారు? ఎవరైనా టెర్రరిస్టులా అనే క్రమంలో విచారణ జరుపుతామని పోలీసులు వెల్లడి చేసినట్లు పలు మీడియా సంస్థలు రాసుకొచ్చాయి.
ముంబైలో అమితాబ్ కు ఐదు ఇండ్లు
బాలీవుడ్ బిగ్ బి అమితాబ్ బచ్చన్ కు ముంబై లో ఐదు ఇండ్లు ఉన్నట్టు సమాచారం. ధర్మేంద్రకు జుహూ బీచ్ అత్యంత విలాసవంతమైన భవనం ఉంది. ప్రస్తుతం అమితాబ్ బచ్చన్.. ప్రభాస్, దీపికా పదుకునే నటిస్తున్న పాన్ ఇండియా ప్రాజెక్ట్, ప్రాజెక్ట్ కె మూవీలో నటిస్తున్నారు. ఇందులో అమితాబ్ బచ్చన్ పాత్ర కీలకంగా ఉండనుందని దర్శకుడు నాగ్ అశ్విన్ వెల్లడి చేసారు. ఇదేగాక బాలీవుడ్ హీరో టైగర్ ష్రాఫ్ నటిస్తున్న గణ్ పత్ మూవీలో అమితాబ్ బచ్చన్ కనిపిస్తున్నారు. ఇక ధర్మేంద్ర విషయానికి వస్తే, రణ్ వీర్ సింగ్, ఆలియా భట్ హీరోహీరోయిన్లుగా రూపొందుతున్న రాఖీ ఔర్ రాణీ కీ ప్రేమ కహానీ మూవీలో కనిపిస్తున్నారు.
