భారీ ధరకు బ్రో మూవీ నైజాం హక్కులు: పవన్ మేనియా అంటే ఇదే
ఈ వార్తాకథనం ఏంటి
పవన్ కళ్యాణ్, సాయి ధరమ్ తేజ్ కలిసి నటిస్తున్న బ్రో సినిమా రిలీజ్ కు సిద్ధమవుతోంది. తమిళంలో హిట్ అందుకున్న వినోదయ సీతమ్ సినిమాకు రీమేక్ గా బ్రో తెరకెక్కింది.
బ్రో సినిమాకు స్క్రీన్ ప్లే, మాటలను మాటల మాంత్రికుడు త్రివిక్రమ్ అందించారు. ప్రస్తుతం బ్రో సినిమాపై ఖతర్నాక్ న్యూస్ హల్చల్ చేస్తోంది.
సాధారణంగా పవన్ కళ్యాణ్ సినిమాలకు మాంచి బిజినెస్ జరుగుతుందన్న సంగతి తెలిసిందే. బ్రో సినిమాకు కూడా టాప్ లెవెల్ లో బిజినెస్ జరుగుతోందని తెలుస్తోంది.
బ్రో సినిమా నైజాం హక్కులను మైత్రీ మూవీ మేకర్స్ డిస్ట్రిబ్యూటర్ సంస్థ దక్కించుకుందని, ఏకంగా 36కోట్ల రూపాయలకు నైజాం హక్కులను కొనుక్కుందని టాక్ వినిపిస్తోంది.
Details
జులై 28న రిలీజ్ కానున్న బ్రో
ఒక్క నైజాంలోనే అంత పెట్టి కొనడం అంటే ఇతర ప్రాంతాల్లో బ్రో సినిమాకు మంచి డిమాండ్ ఉంటుందని అంచనా వేస్తున్నారు.
బ్రో నుండి ఇప్పటివరకు బ్రో శ్లోకం, టీజర్, మై డియర్ మార్కాండేయ పాట రిలీజైంది. ఈ పాటలో పవన్ కళ్యాణ్, సాయి ధరమ్ తేజ్ కలిసి చిందులు వేయనున్నారు. అలాగే బాలీవుడ్ భామ ఊర్వశి రౌతేలా కనిపించనుంది.
కేతికా శర్మ, ప్రియా ప్రకాష్ వారియర్ హీరోయిన్లుగా కనిపిస్తున్న బ్రో సినిమాను తమిళ నటుడు, దర్శకుడు సముద్రఖని డైరెక్ట్ చేసారు.
పీపుల్ మీడియా ఫ్యాక్టరీ, జీ స్టూడియోస్ సంయుక్తంగా నిర్మిస్తున్న ఈ సినిమాను టీజీ విశ్వప్రసాద్ నిర్మిస్తున్నారు. థమన్ మ్యూజిక్ అందించిన ఈ సినిమా, జులై 28న విడుదల అవుతుంది.