చంద్రముఖి 2: వెట్టియాన్ రాజుగా రాఘవ లారెన్స్ లుక్ రిలీజ్; అదిరిపోయిందిగా
ఈ వార్తాకథనం ఏంటి
రజనీకాంత్ హీరోగా 2005లో వచ్చిన చంద్రముఖి సినిమా ఎంత పెద్ద విజయం అందుకుందో అందరికీ తెలుసు. జ్యోతిక ప్రధాన పాత్రలో తెరకెక్కిన ఈ మూవీకి ఇప్పుడు సీక్వెల్ రాబోతుంది.
చంద్రముఖి సినిమాను తెరకెక్కించిన వాసు, చంద్రముఖి 2 సినిమాను తెరకెక్కించాడు. ఇందులో రాఘవ లారెన్స్ హీరోగా కనిపిస్తుండగా, ప్రధాన పాత్రలో బాలీవుడ్ భామ కంగనా రనౌత్ కనిపిస్తోంది.
ఇటీవల చంద్రముఖి 2 షూటింగ్ పనులు పూర్తయ్యాయి. ప్రస్తుతం పోస్ట్ ప్రొడక్షన్ పనుల్లో బిజీగా ఉన్న చిత్రబృందం, చంద్రముఖి 2 నుండి రాఘవ లారెన్స్ లుక్ ని రిలీజ్ చేసింది.
చంద్రముఖి సినిమాలో వేంకటపతి రాజుగా కనిపించిన రజనీకాంత్ గెటప్ లోనే వెట్టియాన్ రాజుగా రాఘవ లారెన్స్ కనిపిస్తున్నట్లు లుక్ చూస్తే తెలుస్తోంది.
Details
వినాయక చవితి సందర్భంగా విడుదల కానున్న చంద్రముఖి 2
చంద్రముఖి 2 సినిమాను తమిళంలో పాటు తెలుగు, హిందీ, కన్నడ, మళయాలం భాషల్లో రిలీజ్ చేస్తున్నట్లు చిత్రబృందం ప్రకటించింది.
వినాయక చవితి సందర్భంగా థియేటర్లలో చంద్రముఖి 2 విడుదల అవుతుందని తెలియజేసారు. అయితే ఏ తేదీన రిలీజ్ అవుతుందో మాత్రం ప్రకటించలేదు.
లైకా ప్రొడక్షన్స్ బ్యానర్ లో రూపొందుతున్న ఈ సినిమాకు ఆస్కార్ అవార్డు గ్రహీత ఎమ్ ఎమ్ కీరవాణి సంగీతం సమకూరుస్తున్నారు. రావు రమేష్, రాధికా శరత్ కుమార్, వడివేలు, లక్ష్మీ మీనన్, మహిమ నంబియార్ కీలక పాత్రలో కనిపిస్తున్నారు.