ఈవారం సినిమా: థియేటర్లలో,ఓటీటీలో రిలీజ్ అవుతున్న సినిమాల లిస్టు
ప్రతీవారం థియేటర్లలో, ఓటీటీలో సరికొత్త కంటెంట్ వస్తోంది. ఈ వారం రిలీజ్ అయ్యే సినిమాలేంటో తెలుసుకుందాం. థియేటర్లలో జూన్ 23న రిలీజ్ అయ్యే సినిమాలు: ధూమం: ఫాహద్ ఫాజిల్ నటించిన ధూమం సినిమా, తెలుగు, తమిళం, కన్నడ, మళయాలం భాషల్లో రిలీజ్ అవుతుంది. మను చరిత్ర: భరత్ పెదగాని దర్శకత్వంలో తెరకెక్కిన ఈ చిత్రంలో శివ కందుకూరి, మేఘా ఆకాష్ ప్రధాన పాత్రల్లో కనిపిస్తున్నారు. 1920 హారర్స్ ఆఫ్ ద హార్ట్: హీరోయిన్ అవికా గోర్ ప్రధాన పాత్రలో రూపొందిన ఈ చిత్రాన్ని కృష్ణ భట్ తెరకెక్కించారు. ఈ సినిమాతో బాలీవుడ్ లో అవికా గోర్ హిట్ అందుకుంటుందేమో చూడాలి
ఓటీటీలో రిలీజ్ అవుతున్న సినిమాలు
ఇంటింటి రామాయణం: రాహుల్ రామకృష్ణ, నవ్యస్వామి, నరేష్ ప్రధాన పాత్రల్లో కనిపించిన ఈ సినిమా, ఇటీవల థియేటర్లలో రిలీజైంది. ప్రస్తుతం జూన్ 23నుండి ఓటీటీ ఫ్లాట్ ఫామ్ ఆహాలో అందుబాటులో ఉండనుంది. ఏజెంట్: అక్కినేని అఖిల్ నటించిన ఏజెంట్ మూవీ, బాక్సాఫీసు వద్ద తీవ్రంగా నిరాశపర్చింది. సురేందర్ రెడ్డి దర్శకత్వం వహించిన ఈ సినిమా, జూన్ 23నుండి సోనీ లివ్ లో స్ట్రీమింగ్ అవనుంది. కిసీ కా భాయ్ కిసీ కా జాన్: సల్మాన్ ఖాన్, పూజా హెగ్డే హీరోహీరోయిన్లుగా నటించిన ఈ చిత్రం ఏప్రిల్ నెలలో థియేటర్లలోకి వచ్చింది. ప్రస్తుతం జూన్ 23నుండి జీ5 వేదికగా అందుబాటులో ఉండనుంది.