Costumes Krishna: ప్రముఖ నటుడు, నిర్మాత, కాస్ట్యూమ్స్ కృష్ణ కన్నుమూత
ప్రముఖ నటుడు, నిర్మాత, కాస్ట్యూమ్స్ కృష్ణ ఆదివారం కన్నుమూశారు. అనారోగ్య సమస్యల కారణంగా చెన్నైలోని తన నివాసంలో ఆయన తుదిశ్వాస విడిచారు. రెండు దశాబ్దాలకు పైగా తెలుగు చిత్రసీమలో పనిచేసిన ఆయన పలు చిత్రాలను నిర్మించారు. కాస్ట్యూమ్స్ కృష్ణ గత 20 ఏళ్లుగా సినిమాలకు దూరంగా ఉన్నారు. కోడి రామకృష్ణ దర్శకత్వం వహించిన 'భారత్‌ బంద్‌' సినిమాతో ఆయన నటుడిగా అరంగేట్రం చేశారు. కాస్ట్యూమ్స్ కృష్ణ నిర్మించిన జగపతి బాబు పెళ్లి పందిరి సూపర్ హిట్ అయింది. విజయనగరం జిల్లాలోని లక్కవరపుకోటలో కాస్ట్యూమ్స్ కృష్ణ జన్మించారు. దేవుళ్లు, పెళ్లాం చెప్తే వినాలి వంటి చిత్రాల్లో ఆయన నటన గుర్తుండిపోతుంది.
