ఉస్తాద్ భగత్ సింగ్ షూటింగ్ ఆగలేదు, క్రేజీ ఫోటోలను విడుదల చేసిన మేకర్స్
పవర్ స్టార్ పవన్ కళ్యాణ్ హీరోగా నటిస్తున్న ఉస్తాద్ భగత్ సింగ్ చిత్రాన్ని హరీష్ శంకర్ తెరకెక్కిస్తున్న సంగతి తెలిసిందే. సినిమా మొదలై చాలా రోజులైనా కూడా షూటింగ్ పార్ట్ ఇంకా చాలా పెండింగ్ ఉంది. ఇప్పటివరకు ఒక షెడ్యూల్ పూర్తిగా కంప్లీట్ చేసుకుని ఇటీవలే మరో షెడ్యూల్ మొదలెట్టారు. ఈ షెడ్యూల్ లో పవన్ కళ్యాణ్ కూడా పాల్గొంటున్నారని మేకర్స్ అనౌన్స్ చేసారు. ఆ షెడ్యూల్ మొదలైందో లేదో ఆంధ్రప్రదేశ్ రాజకీయాల్లో పెనుమార్పులు వచ్చాయి. దాంతో పవన్ కళ్యాణ్ అటు వెళ్ళాల్సి వచ్చింది. ఈ నేపథ్యంలో ఉస్తాద్ భగత్ సింగ్ షూటింగ్ ఆగిపోయిందేమో అనుకున్నారు. కానీ షూటింగ్ కొనసాగుతోందని మేకర్స్ తెలియజేసారు.
పోలీస్ డ్రెస్ లో పవన్ కళ్యాణ్
ఉస్తాద్ భగత్ సింగ్ సినిమా షూటింగ్ కొనసాగుతుందని తెలియజేసిన చిత్ర నిర్మాణ సంస్థ మైత్రీ మూవీ మేకర్స్, షూటింగ్ సెట్లోని పవన్ కళ్యాణ్, హరీష్ శంకర్ ఫోటోలను షేర్ చేసారు. పోలీస్ డ్రెస్ లో కనిపించిన పవన్ కళ్యాణ్ పవర్ ఫుల్ గా కనిపిస్తున్నారు. ప్రస్తుతం ఈ ఫోటోలు ఇంటర్నెట్ లో వైరల్ అవుతున్నాయి. శ్రీలీల హీరోయిన్ గా కనిపిస్తున్న ఈ సినిమాను మైత్రీ మూవీ మేకర్స్ బ్యానర్ లో నవీన్ యేర్నేని, రవిశంకర్ నిర్మిస్తున్నారు. అయానక బోస్ కెమెరా బాధ్యతలు నిర్వర్తిస్తున్న ఈ సినిమాకు దేవిశ్రీ ప్రసాద్ సంగీతం అందిస్తున్నారు.
