Devara: 'దేవర' మరో ఘనత.. ఆ ఏరియాల్లో ఇప్పటివరకు రోజూ కోటి రూపాయలు వసూలు
ఈ వార్తాకథనం ఏంటి
జూనియర్ ఎన్టీఆర్‌ (NTR) హీరోగా కొరటాల శివ దర్శకత్వంలో రూపొందించిన యాక్షన్ థ్రిల్లర్ 'దేవర' ఇటీవల విడుదలై మంచి విజయాన్ని సాధించింది.
ఈ చిత్రం భారీ కలెక్షన్లు సొంతం చేసుకుని, పలు రికార్డులు అందుకుంది. ప్రస్తుతం, ఈ సినిమా మరో ప్రత్యేక ఘనతను సాధించడంతో, అది ఎక్స్‌లో ట్రెండింగ్‌లోకి వచ్చింది.
'దేవర' విడుదలైన 18 రోజుల తర్వాత, ఆంధ్రప్రదేశ్, తెలంగాణ రాష్ట్రాల్లో రోజుకు కోటి రూపాయలు వసూలు చేసినట్లు ట్రేడ్ వర్గాలు తెలిపాయి.
కొవిడ్‌ తర్వాత ఇంత స్థాయిలో కలెక్షన్లు రాబట్టిన చిత్రం 'దేవర' కావడం విశేషం. సీడెడ్ ఏరియాలో కూడా రూ.30 కోట్ల షేర్ వసూలైనట్లు సమాచారం.
ఇప్పటి వరకు రాజమౌళి తెరకెక్కించిన చిత్రాలే ఈ స్థాయిలో కలెక్షన్లు అందుకున్నాయి.
వివరాలు
దేవర వసూళ్లు ఎంతంటే..
కానీ,ఇప్పుడు ఆయన కాకుండా మరొక దర్శకుడి సినిమా ఇలాంటి కలెక్షన్లు సాధించడం ఇదే తొలిసారి.
దీంతో,సీడెడ్ ఏరియాలో రూ.30కోట్లు దాటిన రెండో సినిమాగా ఎన్టీఆర్‌ నిలిచారు.
ఆయన అభిమానులు ఈ వార్తను విస్తృతంగా పంచుకుంటుండటంతో,'దేవర'హ్యాష్ ట్యాగ్‌ ఎక్స్‌లో ట్రెండింగ్‌గా మారింది.
ప్రీ సేల్స్‌ బుకింగ్స్‌లో రికార్డులు సృష్టించిన ఈ చిత్రం విడుదల తర్వాత కూడా హవా కొనసాగిస్తోంది.
ఇప్పటివరకు రూ.510కోట్లకు పైగా(గ్రాస్‌)వసూలు చేసినట్లు చిత్ర బృందం ప్రకటించింది.
ఎన్టీఆర్‌ సరసన జాన్వీ నటించిన ఈ చిత్రానికి సీక్వెల్‌ గురించి త్వరలోనే వివరాలు వెల్లడించనున్నారు.
మొదటి భాగం కంటే రెండో భాగం చాలా పవర్‌ఫుల్‌గా ఉంటుందని దర్శకుడు ఇటీవల వ్యాఖ్యానించారు.
పార్ట్-1లో చూసేది కేవలం 10శాతం మాత్రమే,రెండో భాగంలో 100శాతం చూస్తారని ఆయన తెలిపారు.