Devara : ఎన్టీఆర్ దేవర షూటింగ్'లో శ్రీకాంత్'కు గాయం.. ఇంతకీ ఏం చెప్పారంటే
టాలీవుడ్ స్టార్ నటుడు శ్రీకాంత్, జూనియర్ ఎన్టీఆర్ 'దేవర' షూటింగ్'లో భాగంగా గాయపడ్డట్లు స్వయంగా వెల్లడించారు. ఇదే సమయంలో నవంబర్ 24న ఈ సినిమా విడుదల కానుంది. ప్రచార కార్యక్రమాల్లో భాగంగా తన సినిమాను ప్రమోట్ చేసుకునేందుకు శ్రీకాంత్ రియాలిటీ షో బిగ్ బాస్ ఎపిసోడ్'లో మెరిశారు. అయితే షోలో అడుగుపెట్టిన శ్రీకాంత్, కాలికి బ్లాక్ పట్టి కట్టుకుని వచ్చారు. దీంతో ఏమైందని హోస్ట్ నాగ్ అడిగారు. 'దేవర' మూవీ సెట్స్'లో గాయపడ్డానని శ్రీకాంత్ బదులిచ్చారు. ఈ క్రమంలోనే గోవాలో జరుగుతున్న షూటింగ్'లో కంకరపై పరిగెడుతుండగా గాయమైందన్నారు. ఈ సందర్భంగా డాక్టర్ రెస్ట్ తీసుకోవాలని సూచించినట్లు శ్రీకాంత్ చెప్పుకొచ్చటారు. ప్రస్తుతం శ్రీకాంత్ బిగ్ బాస్ షో నెట్టింట వైరల్ గా మారింది.
ఈనెల 24న ప్రేక్షకుల ముందుకు రానున్న శ్రీకాంత్ సినిమా
గతంలో ఆయన హీరోగా చేసిన ఫ్యామిలీ సినిమాలకు ఇంటింటికి అభిమానులు ఉన్నారనడంలో అతిశయోక్తి లేదు. స్వశక్తితో సినీ ఇండస్ట్రీలో రాణించిన శ్రీకాంత్, వెండితెరపై మంచి పేరు తెచ్చుకున్నారు. ఇప్పుడు సెకండ్ ఇన్నింగ్స్' ఆరంభించిన శ్రీకాంత్, కీలక పాత్రల్లో నటిస్తున్నారు. రెండో దశలో శ్రీకాంత్ విలన్ పాత్రలు, కీలకమైన రోల్స్'ల్లో నటిస్తూ వచ్చారు. 'సరైనోడు, 'అఖండ,, 'వారసుడు, హంట్, స్కంద చిత్రాల్లో నటించారు. ప్రస్తుతం ఈ ఫ్యామిలీ హీరో, రామ్ చరణ్ 'గేమ్ ఛేంజర్', తారక్ 'దేవర' చిత్రాలతో బిజీగా ఉన్నారు. ఈ రెండు భారీ చిత్రాల గ్యాప్'లో 'కోటబొమ్మాళి పీఎస్' చిత్రాన్ని ఆయన పూర్తి చేసుకున్నారు. శ్రీకాంత్ వర్క్ డెడికేషన్ పట్ల నెటిజన్లు అభినందనలతో హోరెత్తిస్తున్నారు.ఇదే సమయంలో ఆయన వేగంగా కోలుకోవాలని ఆకాంక్షించారు.
