Devil : డెవిల్ సినిమా నుండి అందుకే నవీన్‌ను తొలగించాం : అభిషేక్ నామా
ఈ వార్తాకథనం ఏంటి
నందమూరి కళ్యాణ్ రామ్ హీరోగా తెరకెక్కించిన తాజా చిత్రం 'డెవిల్'(Devil).
అభిషేక్ ఆర్ట్స్ బ్యానర్ మీద ఈ సినిమాను రూపొందించారు. మొదటగా ఈ చిత్రానికి నవీన్ మేడారం దర్శకత్వం వహించారు.
సగానికి పైగా షూటింగ్ కంప్లీట్ అయ్యాక, ఈ సినిమాను అభిషేక్ నామా దర్శకత్వం వహిస్తున్నారని ప్రకటించారు.
ఆ తర్వాత నవీన్ మేడారం కూడా సోషల్ మీడియా ద్వారా ఈ మూవీ నుంచి తనను తప్పించడం పట్ల ఆవేదన వ్యక్తం చేశారు.
నవీన్‌ను సినిమా నుంచి ఎందుకు తొలగించాల్సి వచ్చిందో దర్శక నిర్మాత అభిషేక్ నామా స్పందించారు.
Details
నవీన్ హ్యాండిల్ చేయలేకపోయారు : అభిషేక్
ఈ ప్రాజెక్టును నవీన్ హ్యాండిల్ చేయలేకపోయారని, అందుకే ఆయను తొలగించి, తాను ఆ బాధ్యతలను స్వీకరించాల్సి వచ్చిందని అభిషేక్ నామా పేర్కొన్నారు.
ప్రస్తుతం అభిషేక్ వ్యాఖ్యలు సోషల్ మీడియా వేదికగా వైరల్‌గా మారాయి.
డెవిల్ సినిమాను తానే తెరకెక్కించారని, వంద రోజులకు పైగా కష్టపడి ఈ సినిమాను తీశానని నవీన్ మేడారం తాజాగా సోషల్ మీడియాలో పోస్టు చేశారు.
తానే దర్శకుడిగా వ్యవహరించినా ఏమాత్రం క్రెడిట్ ఇవ్వలేదని బాధపడ్డాడు.
ఈ వివాదంపై హీరో కల్యాణ్ రామ్ మాట్లాడారు. ఈ వివాదం గురించి తాను మాట్లాడకూడదని నిర్ణయించుకున్నట్లు తెలిపారు