తదుపరి వార్తా కథనం
Kubera Movie: ధనుష్‌-శేఖర్ కమ్ముల కాంబినేషన్‌లో 'కుబేర'.. గణేష్ చతుర్థి సందర్భంగా స్పెషల్ పోస్టర్ రిలీజ్
వ్రాసిన వారు
Jayachandra Akuri
Sep 07, 2024
02:49 pm
ఈ వార్తాకథనం ఏంటి
తమిళ నటుడు ధనుష్‌ కథానాయకుడిగా, శేఖర్ కమ్ముల దర్శకత్వంలో రూపొందుతోన్న తాజా చిత్రం 'కుబేర'పై భారీ అంచనాలు నెలకొన్నాయి.
'ఆనంద్‌', 'గోదావరి', 'హ్యాపీడేస్‌', 'ఫిదా', 'లవ్‌స్టోరీ' వంటి బ్లాక్‌బస్టర్‌ చిత్రాలు అందించిన శేఖర్ కమ్ముల ఈ చిత్రానికి దర్శకత్వం వహిస్తున్నాడు.
రష్మిక మందన్న హీరోయిన్‌గా నటిస్తుంది. ఈ చిత్రంలో టాలీవుడ్‌ అగ్రనటుడు అక్కినేని నాగార్జున ఒక కీలక పాత్రలో కనిపించనున్నాడు.
ఇది ఈ సినిమాకు ప్రత్యేక ఆకర్షణగా నిలిచింది.
గణేష్ చతుర్థి సందర్భంగా 'కుబేర' సినిమా టీమ్ ప్రత్యేకంగా ఒక పోస్టర్ విడుదల చేసింది.
ఈ పోస్టర్‌లో ధనుష్‌, నాగార్జునలు ఉన్నారు. వీరిద్దరి లుక్‌లు డిఫరెంట్ గా ఉండటంతో సినిమాపై అంచనాలు మరింత పెరిగాయి