సెల్ఫిష్ యాక్టర్ ఆశిష్ రెడ్డి మూడవ చిత్రం ప్రారంభం: లాంచింగ్ కార్యక్రమానికి విచ్చేసిన అతిరథ మహారథులు
ఈ వార్తాకథనం ఏంటి
రౌడీ బాయ్స్ సినిమాతో ఇండస్ట్రీకి పరిచయమైన ఆశిష్ రెడ్డి, ప్రస్తుతం సెల్ఫిష్ సినిమాతో ముందుకు వస్తున్నాడు. సెల్ఫిష్ చిత్రం ఇంకా విడుదల కాకముందే మరో కొత్త సినిమాలో ఆశిష్ రెడ్డి నటిస్తున్నాడు.
ఆశిష్ రెడ్డి మూడవ చిత్రం ఈరోజు హైదరాబాద్ లో ఘనంగా ప్రారంభమైంది. దిల్ రాజు సోదరుడి కుమారుడు నటిస్తున్న మూడవ సినిమా, హర్షిత్ రెడ్డి, హన్షిత రెడ్డి నిర్మాతలుగా దిల్ రాజు ప్రొడక్షన్స్ బ్యానర్లో తెరకెక్కుతోంది.
ఈ సినిమా ప్రారంభ కార్యక్రమానికి ఇండస్ట్రీకి చెందిన అతిరథ మహారథులు వచ్చేసారు. నిర్మాతలు దిల్ రాజు, నాగవంశీ, చినబాబు మొదలగు వారందరూ ఈ కార్యక్రమానికి హాజరయ్యారు.
Details
క్లాప్ కొట్టిన త్రివిక్రమ్
మాటల మాంత్రికుడు త్రివిక్రమ్, ఈ సినిమాకు మొదటి క్లాప్ కొట్టారు. అరుణ్ భీమవరపు దర్శకత్వం వహిస్తున్న ఈ సినిమాకు పీసీ శ్రీరామ్ కెమెరా బాధ్యతలు చేపడుతున్నారు.
అలాగే ఆస్కార్ అందుకున్న సంగీత దర్శకుడు ఎమ్ ఎమ్ కీరవాణి స్వరాలు సమకూరుస్తున్నారు. ఇప్పటివరకు ఆశిష్ రెడ్డి సరైన విజయాన్ని అందుకోలేకపోయారు.
రౌడీ బాయ్స్ ఫర్వాలేదనిపించినా హీరోగా నిలదొక్కుకునేంత విజయాన్ని అందివ్వలేదు. ఇప్పుడు బలగం నిర్మాతలు తీసుకొస్తున్న ఈ సినిమాతో మంచి విజయాన్ని అందుకుంటాడేమో చూడాలి.