Double ismart:'డబుల్ ఇస్మార్ట్' టీజర్‌‌కి ముహూర్తం ఫిక్స్.. ఎప్పుడో తెలుసా?
టాలీవుడ్ ఎనర్జిటిక్ యాక్టర్ రామ్ పోతినేని(Ram Pothineni)డబుల్ ఇస్మార్ట్ (Double iSmart)తో బిజీ అయ్యాడు. డాషింగ్ డైరక్టర్ పూరి జగన్నాథ్ (Puri Jagannath) దర్శకత్వంలో తెరకెక్కుతున్న యాక్షన్ ఎంటర్టైనర్ 'డబుల్ ఇస్మార్ట్' ఈ చిత్రం ఇస్మార్ట్ శంకర్ చిత్రానికి సీక్వెల్ గా వస్తోంది.ఈ సినిమాలో బాలీవుడ్ స్టార్ యాక్టర్ సంజయ్ దత్ విలన్ గా నటిస్తుండగా,ఈ మూవీని జూన్ 14న వరల్డ్ వైడ్‌గా థియేటర్లలో రిలీజ్ చేస్తున్నట్లు ఇప్పటికే మేకర్స్ ప్రకటించారు. తాజాగా ఈ చిత్రం టీజర్ రిలీజ్ పై మరో అప్డేట్ అందించారు మేకర్స్.
ఈ ట్రీట్ పై అందరిలో ఆసక్తి
ఈ సినిమా టీజర్ ను రేపు ఉదయం 10:03 గంటలకు రిలీజ్ చేయనున్నట్లు ఇస్మార్ట్ శంకర్ మూవీ సెలబ్రేషన్ వీడియో ద్వారా వెల్లడించారు. 85 సెకన్ల నిడివి తో ఉన్న టీజర్ మాస్ ఆడియెన్స్ కి ట్రీట్ కానుంది. ఫ్యాన్స్ ఎప్పటి నుండో ఎదురు చూస్తున్న ఈ ట్రీట్ పై అందరిలో ఆసక్తి నెలకొంది. ఇక 'డబుల్ ఇస్మార్ట్' సినిమా కోసం మణిశర్మనే సంగీత దర్శకుడిగా పూరీ ఎంచుకున్నాడు. ఈ చిత్రానికి దర్శకుడిగా మాత్రమే కాకుండా నిర్మాతగా కూడా పూరీ జగన్నాథ్ వ్యవహరిస్తున్నాడు. తెలుగుతో పాటు తమిళ, కన్నడ, మలయాళ, హిందీ భాషల్లో, ప్యాన్ ఇండియా రేంజ్‌లో 'డబుల్ ఇస్మార్ట్'ను విడుదల చేయడానికి సన్నాహాలు చేస్తున్నారు.
