Anant-Radhika Wedding: జూలై 12న ముంబైలో అనంత్ అంబానీ, రాధిక మర్చంట్ వివాహం, జూలై 14న రిసెప్షన్
భారత వ్యాపారవేత్త ముకేష్ అంబానీ చిన్న కుమారుడు అనంత్ అంబానీకి , రాధికా మర్చంట్తో జూలై 12న వివాహం జరగనుంది. దేశంలోనే అతిపెద్ద వివాహ వేడుకల్లో ఇదొకటి అని చెబుతున్నారు.ఈ జంట,వారి కుటుంబాలు ఫ్రెంచ్ క్రూయిజ్లో ప్రీ-వెడ్డింగ్ ఫంక్షన్ను జరుపుకుంటున్నాయి. ఆహ్వానం మేరకు, ముంబైలోని బాంద్రా కుర్లా కాంప్లెక్స్(BKC)లోని జియో వరల్డ్ కన్వెన్షన్ సెంటర్లో సాంప్రదాయ హిందూ వైదిక వేడుకలో అనంత్, రాధిక వివాహం చేసుకోనున్నారు. శుక్రవారం, జూలై 12న వివాహ వేడుక జరగనుంది. ఆహ్వానపత్రికపై 'శుభ వివాహ' అని పేరు పెట్టారు. ఈ ఫంక్షన్కి సంబంధించిన డ్రెస్ కోడ్ను 'భారత సంప్రదాయం'గా పేర్కొన్నారు. దీని తరువాత, జూలై 13న 'శుభ్ ఆశీర్వాద్' వేడుక ఉంటుంది.దీనికి డ్రెస్ కోడ్ 'ఇండియన్ ఫార్మల్'గా ఉంటుంది.
భారీ క్రూయిజ్ షిప్ లో ప్రీవెడ్డింగ్ వేడుకలు
జూలై 14న జరిగే 'మంగళ ఉత్సవ్' అంటే వివాహ రిసెప్షన్తో అంబానీ కుటుంబంలో సంబరాలు ముగుస్తాయి. దీనికి డ్రెస్ కోడ్ ఇండియన్ చిక్గా ఉంటుంది. తాజాగా మరోసారి వీరిద్దరి ప్రీవెడ్డింగ్ వేడుకలు మే 29వ తేదీన ఇటలీలో మొదలుకాగా.. జూన్ 1న స్విట్జర్లాండ్ లో ముగియనున్నాయి. మూడు రోజులపాటు జరిగే ఈ వేడుకలు మొత్తం భారీ క్రూయిజ్ షిప్లోనే కొనసాగనున్నాయి. ఈ వేడుకలకు ప్రపంచ వ్యాప్తంగా ఉన్న ప్రముఖులతోపాటు బాలీవుడ్లోని పెద్ద స్టార్స్ ఆలియా భట్, రణబీర్ కపూర్,రణ్వీర్ సింగ్,అనన్య పాండే,సారా అలీ ఖాన్,సల్మాన్ ఖాన్లతో సహా పలువురు పాల్గొన్నట్లు తెలుస్తోంది. మొత్తం 300 మంది వీవీఐపీలు ఈ వేడుకలకు ఆహ్వానించినట్లు సమాచారం.
మార్చిలో ప్రీ వెడ్డింగ్ సెలబ్రేషన్స్
ఈ సంవత్సరం మార్చిలో వీరి ప్రీ వెడ్డింగ్ సెలబ్రేషన్స్ కూడా అంగరంగ వైభవంగా జరిగిన విషయం తెలిసిందే. గుజరాత్ జామ్ నగర్లో జరిగిన ఈ వేడుకలకు దేశ, అంతర్జాతీయ ప్రముఖులు హాజరై సందడి చేశారు.
అనంత్ అంబానీ,రాధికా మర్చంట్ వివాహా పత్రిక ఇదే..
Anant Ambani and Radhika's Wedding to be held in Mumbai on 12th July at the Jio World Convention Centre in BKC. Wedding to be performed in accordance with the traditional Hindu Vedic way. The main wedding ceremonies will start on Friday, 12th July with the auspicious Shubh... pic.twitter.com/YKnaAIAs7o— ANI (@ANI) May 30, 2024