ఫిబ్రవరి 10: హాన్సికా పెళ్ళి డాక్యుమెంటరీతో సహా ఓటీటిలో రిలీజ్ అవుతున్న సినిమాలు
ఈ వార్తాకథనం ఏంటి
ఈ శుక్రవారం (ఫిబ్రవరి 10వ తేదీన) ఓటీటిలో వస్తున్న కంటెంట్ చాలా పెద్దగా ఉంది. సినిమాలు, టాక్ షోస్, సిరీస్.. ఇలా అన్నీ రిలీజ్ అవుతున్నాయి.
అన్ స్టాపబుల్ సీజన్ 2 ఫైనల్: పవర్ స్టార్ పవన్ కళ్యాణ్ ఎపిసోడ్ పార్ట్ 2, రాత్రి 9గంటలకు విడుదల కానుంది. ఈ ఎపిసొడ్ తో అన్ స్టాపబుల్ సీజన్ 2 ఫైనల్ పూర్తవుతుంది.
హన్సికాస్ లవ్ షాదీ డ్రామా: హీరోయిన్ హన్సికా మోత్వానీ వివాహం సోహైల్ కౌతురియా తో డిసెంబర్ 4వ తేదీన జరిగింది. ఈ కార్యక్రమానికి సంబంధించిన డాక్యుమెంటరీ, డిస్నీ ప్లస్ హాట్ స్టార్ లో హాన్సికాస్ లవ్ షాదీ డ్రామా పేరుతో ఫిబ్రవరి 10వ తేదీ నుండి స్ట్రీమింగ్ అవుతుంది.
ఓటీటి
ఈ శుక్రవారం ఓటీటిలో రిలీజయ్యే కంటెంట్
నిజం విత్ స్మిత: సింగర్ స్మిత వ్యాఖ్యాతగా మారి సినిమా తారలను ఇంటర్వ్యూ చేస్తున్న ప్రోగ్రామ్ నిజం విత్ స్మిత, రేపటి నుండి లైవ్ లోకి వస్తుంది. రేపు చిరంజీవి ఎపిసోడ్ రిలీజ్ అవుతుంది. సోనీ లైవ్ లో ఈ ప్రోగ్రామ్ ప్రసారం కానుంది.
ఫార్జీ: తెలుగు దర్శకులు రాజ్, డీకే దర్శకత్వం వహించిన క్రైమ్ కామెడీ సిరీస్ ఫార్జీ, రేపటి నుండి అమెజాన్ ప్రైమ్ విడియోలో స్ట్రీమింగ్ అవనుంది. బాలీవుడ్ హీరో షాహిద్ కపూర్, విజయ్ సేతుపతి నటించిన ఈ సిరీస్ మీద అందరిలోనూ అంచనాలున్నాయి.
హంట్: సుధీర్ బాబు హీరోగా వచ్చిన ఈ సినిమా అటు ఆహాలోనూ, ఇటు అమెజాన్ ప్రైమ్ వీడియోలో స్ట్రీమింగ్ అవనుందని తెలుస్తోంది.