నిజం విత్ స్మిత: నెపోటిజాన్ని ఎంకరేజ్ చేస్తుంది ప్రేక్షకులే అంటున్న నాని
సినిమా ఇండస్ట్రీలో నెపోటిజం గురించి తరచుగా చర్చ జరుగుతూ ఉంటుంది. సోషల్ మీడీయాలో నెపోటిజం మీద విమర్శలు వస్తూనే ఉంటాయి. నెపోటిజంపై చర్చ, సినిమాలను బాయ్ కాట్ చేయాలనే డిమాండ్ వరకూ వెళ్ళిన సందర్భాలు చాలా ఉన్నాయి. తాజాగా మరోమారు నెపోటిజం మీద చర్చ నడుస్తోంది. సినిమా తారలను ఇంటర్వ్యూ చేసి, వాళ్ళచేత నిజాలు మాట్లాడించడానికి వస్తున్న నిజం విత్ స్మిత ప్రోగ్రామ్ లో స్మిత అడిగిన ప్రశ్నకు నెపోటిజంపై నాని చేసిన కామెంట్స్ ఆసక్తి కలిగిస్తున్నాయి. చరణ్ సినిమా కోటి మంది చూసారు, అంటే ప్రేక్షకులే కదా నెపోటిజాన్ని ఎంకరేజ్ చేస్తుంది అని నాని మాట్లాడిన మాటలను ప్రోమోలో విడుదల చేసారు. ఈ ఇంటర్వ్యూలో నానితో పాటు రానా ఉండటం విశేషం.
నిజం విత్ స్మిత ప్రోగ్రామ్ కు చిరంజీవి
తెలుగు పాటలను రీమిక్స్ చేసి పాపులారిటీ సంపాదించుకున్న సింగర్ స్మిత, నిజం విత్ స్మిత ప్రోగ్రామ్ ద్వారా హోస్ట్ గా మారింది. ఈ ప్రోగ్రామ్ ఫిబ్రవరి 10వ తేదీ నుండి మొదలవనుంది. ఓటిటి ఫ్లాట్ ఫామ్ అయిన సోనీ లైవ్ లో నిజం విత్ స్మిత స్ట్రీమింగ్ అవనుంది. చిరంజీవి, నాని, రానా వంటి ప్రముఖ సినీ తారలు ఇందులో పాల్గొన్నట్టు ప్రోమోలో చూపించారు. ముందుగా చిరంజీవి ఎపిసోడ్ రిలీజ్ అవనున్నట్టు అర్థం అవుతోంది. చిరంజీవి ఎపిసోడ్ కి సంబంధించిన ప్రోమోలో, నటించడానికి వచ్చావా ? కులం ఏంటి అని తనను ఎవరో అడిగినట్లు చిరంజీవి తెలిపారు. ప్రోమో ఇంట్రెస్టింగ్ గా ఉండడంతో జనాలు ఈ షో గురించి వెయిట్ చేస్తున్నారు.
నిజం విత్ స్మిత అంటూ సినిమా తారలతో నిజం మాట్లాడించనున్న సింగర్
ఎంటర్టైన్మెంట్ కి ఇంటరెస్టింగ్ Conversations తోడైతే 😍,సెన్సషనల్ ప్రశ్నలకి సెలబ్రిటీస్ సమాధానాలు😎, సినిమా సొసైటీ మీద డిస్కషన్స్ ఇలా అన్ని ప్యాకేజీ లాగా రెడీ అయ్యి ఈ Feb 10 మీ ముందుకు వచ్చేస్తుంది “ Nijam With Smita “ pic.twitter.com/jXCgePtxWT
— Sony LIV (@SonyLIV) February 3, 2023
