Allu Arjun: అల్లు అర్జున్ వాడే వ్యానిటీ వ్యాన్ విలువ తెలిస్తే షాక్ అవ్వాల్సిందే
బాలీవుడ్, టాలీవుడ్ స్టార్ హీరోలు తమ యాక్టింగ్ తోనే పాటు, వెహికల్స్ తోనే సెంటర్ ఆఫ్ ఎట్రాక్షన్‌గా నిలుస్తున్నారు. ఇప్పటికే రకరకాల బ్రాండెడ్ కార్లు ఉన్నా కొత్తవి కొంటూ ట్రెండ్ అవుతున్నారు. ఇక బంగ్లాలు, కార్లు, ప్రైవేట్ జెట్‌ల గురించి ప్రత్యేకంగా చెప్పనక్కర్లేదు. ఫైవ్ స్టార్ హోటల్‌కు ఏమాత్రం తక్కువ కాని వ్యానిటీ వ్యాన్లు చాలా సెలబ్రెటీలు వాడుతున్నారు. వారిలో అల్లు అర్జున్, మహేష్ బాబు, షారుక్ ఖాన్ వంటి స్టార్ హీరోలు ఉన్నారు.
రెండో స్థానంలో మహేష్ బాబు
అత్యంత ఖరీదైన వ్యానిటీ వ్యాన్‌లను కలిగి ఉన్న భారతీయ స్టార్లలో అల్లు అర్జున్ పేరు అగ్రస్థానంలో ఉంది. అతను ఏకంగా ర రూ. 7 కోట్లు విలువైన వ్యానిటీ వ్యాన్ ఉంది. ఇక సూపర్ స్టార్ మహేష్ బాబు రెండో స్థానంలో నిలిచారు. అతని వ్యానిటీ వ్యాన్ ధర రూ.6.2 కోట్లు ఉన్నట్లు తెలిసింది.
సల్మాన్ ఖాన్ వ్యానిటీ వ్యాన్ విలువ దాదాపు రూ. 4 కోట్లు
బాలీవుడ్‌లో అత్యంత ఖరీదైన వ్యానిటీ వ్యాన్‌కు ఓనర్‌గా షారూఖ్ ఖాన్ నిలిచారు. దాని విలువ రూ.5 కోట్లుగా ఉంది. ఆ వ్యానిటీ వ్యాన్ దాదాపు 14 మీటర్ల పొడవు ఉంది. ఆ వ్యాన్ లోపలి భాగాన్ని మొత్తం ఐప్యాడ్ నుండి కంట్రోల్ చేయోచ్చు. మరోవైపు సల్మాన్ ఖాన్ వ్యానిటీ వ్యాన్ విలువ దాదాపు రూ. 4 కోట్లు.
వ్యానిటీ వ్యాన్ల ఓనర్ గా అలియా భట్, దీపిక పదుకొనే
హృతిక్ రోషన్ వద్ద మెర్సిడెస్ వి-క్లాస్ వానిటీ వ్యాన్ ఉండగా, దాని ధర రూ. 3 కోట్లుగా ఉంది. ఇక పొడవు 12 మీటర్లు ఉండగా, దాన్ని 3 భాగాలుగా తయారు చేశారు. ఇక అజయ్ దేవగన్ తన వ్యానిటీ వ్యాన్‌లో మొబైల్ ఇంటిని కూడా నిర్మించాడు. రూ.3 కోట్లతో నిర్మించిన తన వ్యాన్‌లో కూడా సకల సౌకర్యాలు ఉన్నాయి. హీరోయిన్లలో అలియా భట్, దీపిక పదుకొనే వంటి వారు వ్యానిటీ వ్యాన్లు వినియోగిస్తున్నారు.
